陳瀅

《全職沒女》 陳瀅 張振朗踩界互姣

最新娛聞

廣告

無綫劇集《全職沒女》由好戲之人張兆輝、以及事隔多年回巢的陳松伶擔任男女主角,不過年輕演員張振朗同 陳瀅 一對同樣搶鏡,其曖昧程度甚大,令人乍舌,成《全》劇焦點!日前出街的一集中 ,張振朗本來只係chok爆煮嘢食,跟住又發展到陳瀅從後送波餅,之後更在張振朗前「烏」低身解圍裙結,令人想入非非,媽啊好踩界!

謝霆鋒上身 張振朗chok住煮

昨晚劇情提及陳瀅因爲身體不適,張振朗見狀後就為佢細心下廚。嗱嗱嗱!張振朗模仿張智霖就有一手,扮謝霆鋒你又見過未? 隨即張振朗大廚上身,準備「十二道鋒味」的架勢,擺晒pose落意粉,之後再chok住切洋蔥。可惜點扮都唔係好似謝霆鋒,唔多有風味喎!

雖然鋒味就麻麻,但劇中的張振朗狂chok不止,就令陳瀅一角十分受落,見到佢仰慕眼神就知道佢被迷倒啦!

張振朗chok晒樣,原來係為陳瀅整咗個心心造型料理,頓時霸氣盡失 !劇中張振朗成日都話陳瀅「姣」自己,今次就被對方反擊,反問張振朗:「莊生,你係咪姣我啊?」

陳瀅姣綁圍裙 張振朗好「梳孚」

好心為陳瀅煮愛心晚餐,但就俾陳瀅寸到冇聲出,張振朗只好自討沒趣除圍裙,點知圍裙打晒結。陳瀅見狀,竟然從後擁抱張振朗,用佢嘅玉手幫對方除….圍裙,氣氛十分之曖昧,真係好容易令人諗錯隔離!

陳瀅見張振朗十分狼狽,更主動伸手幫忙,手部動作好容易令人想入非非;之後,佢更在張振朗前「烏」低身幫忙解圍裙,手部疑似同張振朗下體有所接觸,而張振朗亦露出一個十分享受同感到刺激嘅表情,十分踩界!

 

 

 

捉實嫩手 唔捨得放

張振朗圍裙打結,陳瀅無辦法之下只好取出一把刀,希望割開圍裙帶。張振朗即時嚇窒,就叫陳瀅放低把刀,但講還講,張振朗又再次同陳瀅有身體接觸 — 摸住人地嘅纖纖玉手,後來仲發展到十指緊扣,好似情侶一樣。之後張振朗先驚覺自己原來一直拖住人地隻手,曖昧、尷尬又好笑!唔知係咪劇中繆思太索,加上主動出擊,所以成功姣到莊生呢?

全文完

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!