延伸閱讀︰

《律政強人》美貌與智慧女神 張曦雯

搞寸怡謙婚宴 馬明 洪永城借醉開火

回憶舊時 父生邪念

劇情講到Nana睇返自己本日記，回想起四年前養父高天鷲因為做咗雜誌封面，兩父女高興到忘晒形攬埋一齊。但玩緊嘅同時，Nana養父對住愈大愈靚、身材又正嘅女兒竟然色心起，一臉邪念仲捉實對方隻手，嚇到Nana即刻返入房！

直到今年返香港，屋企冇人而Nana又沖緊涼嘅時候，高天鷲又衝入咗入房！被發現後就用個最老套嘅藉口，話自己唔知對方沖緊涼，想對方以為冇事……

惱羞成怒 侵犯Nana

其後劇情講述高天鷲去到羅威信（蕭正楠飾）屋企搵Nana拎返份協議書，Nana就順便同佢講清楚希望從此以後劃清界線。Nana避開養父，除咗因為4年前嘅事之外，仲因為想同威信結婚。高天鷲眼見心愛嘅女兒即將被自己最憎嘅人搶走，竟然惱羞成怒向Nana大嗌：「我愛你咪想搞你囉。So what？」然後一手抱佢入房撻佢落床，壓喺對方身上不斷強吻！可憐嘅Nana不斷掙扎反抗，高天鷲被仇恨蒙蔽雙眼一直侵犯女兒，直到聽到Nana用盡最後一口氣大叫：「你係我Daddy嚟㗎！」先停手。

向羅威信示威

由於Nana被高天鷲禁錮喺Office，威信就踩上去仲誓言要帶走Nana。為咗拆散佢哋，高天鷲仲呃威信其實Nana係一直企佢嗰邊，而且仲幫佢係威信手上面搶返碧山塊地。羅威信覺得非常愕然，仲思考緊嘅moment，高天鷲食住個勢補多腳：「Nana其實唔係我個女，係我條女呀！」

全文完