溏心風暴3

《溏心風暴3》唐文龍狠飛陳敏之 背後有終極Boss?

最新娛聞

廣告

最近大台劇不約而同都鍾意玩「幕後BOSS」呢條橋,總係有個終極大佬最後先出現,等觀眾邊睇邊估,原來《溏心風暴3》都一樣?有傳唐文龍同陳敏之搞婚外情的情節,其實係有幕後黑手操縱,利用唐文龍向夏雨一家報仇?

《溏心風暴3》播出以來口碑好一般,最爆反而係陳敏之同唐文龍呢段不倫戀,早前幾乎晚晚都係睇佢兩個打得火熱!

陳敏之同唐文龍呢幕浴室激戰,相信唔少觀眾都依然歷歷在目,敏之接受訪問時仲話老公無睇,驚佢睇到會爆血管!

 

之後係點大家都知,呢段不倫戀最終被踢爆,唐文龍受千夫所指,工都無埋。而為了挽救家庭,佢堅決要同敏之分手!

 

備受打擊的敏之一時諗唔開,竟然選擇跳海自殺!幸好最後被王浩信及黃宗澤救起。

 

《溏心風暴3》作為台慶重頭劇,自然有唔少重量級人馬客串,其中一個名字係當件被封為「嘉禾公主」、第一次拍無綫劇的苗可秀!苗可秀飾演的角色名叫沈沝(人稱水水),那些年同李司棋、關菊英本來係好姊妹,但痴戀夏雨的苗可秀一心認定李司棋橫刀奪愛,所以一直懷恨在心返嚟報仇!

 

早前更有指苗可秀呢個角色有一個隱藏身份,就係唐文龍(飾鄭立安) 的母親!即係話唐文龍玩弄陳敏之的感情,令黃家不得安寧,其實係奉母親之命報仇?

 

雖然話苗可秀係想返嚟向黃家報仇,但相信純粹係針對夏雨及李司棋,與唐文龍相關;另外王浩信的角色對苗可秀特別關愛,苗可秀對其亦甚有好感,據知苗可秀在劇集後段會再次出現,幫王浩信重奪江山!

 

重奪江山?唔少觀眾都知道黃宗澤的角色後來會為利益出賣黃家,與姐姐司棋姐對簿公堂,王浩信亦與其反目!但一直玩世不恭的黃宗澤真係會無啦啦變奸?大家真係要繼續睇先知啦!

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!