降魔的

《降魔的》爆冷失「最佳劇集」 拍續集添變數?

最新娛聞

廣告

無綫《萬千星輝頒獎典禮2017》中,深受觀眾歡迎的大熱劇集《降魔的》先後攞咗「全球網民最喜愛劇集」、「最受歡迎劇集歌曲」、以及馬國明憑此劇獲「我最喜愛男角色」,套劇嘅編審方佩清日前透露已有續集的初步構思,連劇名都有!不過《降魔的》爆冷失落「最佳劇集」嘅大奬,未知會否為開拍續集增添變數?!

撰文:東方新地

《降魔的》失落「最佳劇集」

早喺賽前﹐編審羅佩清呼籲大家投《降魔的》一票,咁就增加開拍續集的機會!而首個頒發的獎項是「全球網民最喜愛劇集」,受網民歡迎的《降魔的》先拔頭籌,主演的馬國明、黃智雯等人開心劇集得獎,上台領獎的監製方駿釗及編審羅佩清,多謝台前幕後工作人員,全部人仲一齊高叫「十字路口見」,呼應《降魔的》演員自拍的片花,並已想好的劇名《降魔的之十字路口》!

胡鴻鈞奪《最受歡迎劇集歌曲》

胡鴻鈞接過獎項話攞呢個獎特別緊張︰「多謝! 由細到大都喺係電視前面聽劇集歌,我好幸運,參加完比賽之後有機會唱劇集歌,我知道呢一刻可以拎呢個獎,我都知道唔係必然嘅。」佢不忘多謝《降魔的》嘅同事,話全靠佢哋先有呢個獎,又答應會繼續唱多啲好歌。

馬國明《最受歡迎電視男角色》

馬國明憑住《降魔的》的馬季奪得︰「最受歡迎電視男角色」,馬明話從影以嚟有啲劇本同角色都好鐘意,而今次就接到一個好鍾意嘅劇本同角色,又話︰「公司有講過唔可以多謝某啲人,但我見啲女同事都冇理限奶令,我都唔理啦! 多謝Sandy! 多謝杜生!多謝樂小姐,我都知我唔係幾聽話,多謝珍姐,我係呢度17年,你鬧足我17年。」佢仲向當晚結婚嘅姪女送祝福,點知台下藝員同事問幾時到佢拉埋天窗,馬國明即時話未知,鏡頭一轉就見心穎BB個樣好尷尬。

《降魔的》眾望所歸 :攞「最佳劇集」

《降魔的》編審羅佩清喺facebook發千字文除了感謝劇迷支持,仲透露計劃拍續集,連劇名都諗好,叫《降魔的之十字路口》,真係好消息!

《降魔的》計劃拍續集

《降魔的》劇集一眾演員「小馬」馬國明、「芷若」黃智雯、「龍貓」何遠東、「石敢當」胡鴻鈞、「莉莉」譚嘉儀、「展明」黃子恆、「佩玲」林凱恩、「晶晶」謝雪心及「有為」蔣志光齊齊現身,各人相繼做出撻匙、校倒後鏡、扣安全帶、揸車等嘅動作,加埋背景音樂係〈到此一遊〉,係人都知佢哋想扮喺的士入面啦!

而片中另一亮點就係黃智雯大跳勁舞,雖然便服上陣,但係有舞蹈底子嘅佢跳得非常誘惑同吸睛,最後「天然呆」馬國明就同其他演員扭身扭勢切入鏡頭!而片尾就傳來一句:「十字路口有落呀唔該!」同埋「收到!」睇完條片真係好期待呀!

有片睇:

「龍貓」何遠東之後又喺IG上載大合照同留言:「基於要多謝大家對《降魔的》嘅支持,我地(哋)又點可以唔做多少少嘢去報答大家呢?嗱,真係少少少少!又基於一篇千字文岀現,我地(哋)又點可以唔準備少少片花,去吸住大家個睛呢?嗱,條片真係會吸睛㗎!究竟有冇《降魔的之XXXX》,就睇大家啦!」

降魔的

相信《降魔的》故事新穎、搞怪又不失感動,有別於「大台劇」。雖然一開頭,不被大家看好,但溫情的劇情為劇集挽回不少聲望。

當中,馬明目睹父母死時的場景,演技爆發,眼淚如水喉般,網民大讚好戲又感人。

《降魔的》更令劉佩玥、胡鴻鈞的人氣急升,雖然演技不是最好,但觀眾也「受落」。

「啤啤」一角深受網民喜愛,而她的死,不止馬明心痛,網民也是!

「石敢當」雖然給人的感覺很「膠」,但不得不讚他唱的主題曲《到此一遊》。

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!