浮誇

【後生仔傾吓偈】 陸浩明:你真係好鍾意浮誇嘢 馮盈盈一萬蚊訂一晚酒店慶生話好抵

最新娛聞

廣告

馮盈盈一向敢作敢言,經常喺節目《後生仔傾吓偈》講出位言論。最近嘅《後生仔》以「大學生消費習慣」為主題,幾個主持同一班後生仔公開自己嘅消費習慣,不過馮盈盈講到自己使錢嘅經歷就畀陸浩明話佢浮誇,連麥明詩都忍唔住暗串幾句添!

撰文:東方新地 |圖片:節目截圖

馮盈盈一萬蚊訂一晚酒店慶生被陸浩明話浮誇

最近一集《後生仔傾吓偈》請嚟一班後生仔上嚟分享消費習慣,有一半後生仔都係話用嚟買衫,而陸浩明就話自己喺旅遊上花費得最多。

同樣都係喺旅行上花費較多嘅FYY就問陸浩明訂酒店預算係幾多,陸浩明就話最多都係$3000一晚,更話其實已經覺得好貴。

FYY就話最貴用過一萬元訂一晚酒店為自己慶祝生日,又話成個天花板都有氫氣球、窗邊又有Happy Birthday裝飾,不過陸浩明就忍唔住話FYY好鍾意浮誇嘢,非常之襯返佢本人。

FYY意猶未盡,繼續回憶豪華生日之夜,指酒店安排一大紮玫瑰、又有香檳、生日卡同蛋糕,就連浴缸都擺滿玫瑰花花瓣,覺得一萬元一晚真係好抵!跟住又話可以介紹畀大家,但係陸浩明就話:「唔使喇,你唔好介紹啲咁貴。」

麥明詩都終於忍唔住暗串:「張卡都值5千幾啦,你講嗰啲加加埋埋都值$9999,其實房價可能只係佔千幾蚊。」之後陸浩明就話:「係啊好抵啊哈哈……」


將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!