三上悠亞

青瓦台連署都難阻三上悠亞 再谷韓女團眾籌出新碟!

wp
今年係AV小天后三上悠亞加入AV界三周年,除咗嚟緊會出本寫真賀一賀佢之外,梗係仲有唔少搞作啦!繼今年3月三上同AV女優松田美子和櫻萌子組成「HONEY POPCORN」進軍韓國K-Pop界,依家佢哋仲開始眾籌出新碟!雖然唔少韓國人民都不滿AV女優出道成為偶像,仲有成幾萬人上青瓦台連署「反對AV女優的韓國偶像團體出道」,但竟然都阻止唔到三上悠亞嘅霸業!

撰文:東方新地 | 圖片:Instagram、YouTube

三上悠亞眾籌出新碟

三上悠亞性感得嚟又可愛,加上前SKE48成員嘅身份、姣好的樣子及身材,以及24歲打不死的年輕,成為近年AV界新寵兒!不過,三上不甘一世留在AV界,於是以甜美形象變身韓國女團「HONEY POPCORN」,繼自費推出韓語碟之後,嚟緊眾籌成功的話仲可能會出第二隻碟添!

上青瓦台連署都阻止唔到三上悠亞

喺三上悠亞剛進軍K-pop界嗰時,就已經有韓國人民上青瓦台發起連署「反對AV女優的韓國偶像團體出道」,逾萬人和應,反應激烈!話覺得南韓係禁止AV女優嘅國家,但又不合理咁俾AV女優出道成為偶像,擔心會荼毒年輕一代咁話喎!

首爾辦粉絲見面會

日前更飛首爾舉行免入場費的粉絲見面會,全力進軍K-Pop。喺見面會上更宣佈嚟緊會有新成員加入HONEY POPCORN添!

竟然咁多阻滯下都可以為新碟推行眾籌,小編都不得不佩服小天后嘅威力!

連MV都出咗兩個Version啊,都幾認真㗎!

幫韓國男士雜誌拍照

除咗粉絲見面會,真係估唔到三上連韓國寫真界都攻陷埋啦!

出道三週年 第六本寫真大玩透視誘惑

早前她搶閘拍2019年月曆,當中除了有三點式泳衣外,仲有Deep V白色喱士透視內衣,僅以雙手遮胸,大晒其F cup身材,三點不露仍火辣誘人。

三上悠亞今次月曆早在今年4月開拍,但至今售價和開售日期仍未定。

關鍵詞
三上悠亞