余思霆

那些年單眼皮、豬膽鼻、包面!余思霆澄清:戴咗牙套可能有啲改變

最新娛聞

廣告

今個星期一首播的最新TVB節目《兄弟大茶飯》,於逢星期一至五晚上十點半播出,節目除了找來曹永廉與蕭正楠做主持外,亦加入了兩位女藝員余思霆同胡美貽。

余思霆係去年華姐冠軍,擁有大眼、筆挺鼻子兼「拮手下巴」,但睇番佢2011年參加台灣選美時的豬包臉相差甚遠,思霆澄清:「比賽前整過牙,戴咗牙套後可能有少少改變。」之但係點解整牙又關個鼻事呢?

撰文:東方新地|圖片:新傳媒圖片庫、TVB截圖余思霆Instagram

《兄弟大茶飯》余思霆做副手

最新TVB節目《兄弟大茶飯》今個星期一首播出街,節目搵嚟曹永廉與蕭正楠做主持,雖然二人拍劇比較多,但做主持一樣難唔到佢哋,今次呢兩個男人為照顧一眾長期拍攝外景的藝人及劇組台前幕後的工作人員,一於走入廚房為大家親自下廚,用食物慰勞大家!

今次呢個節目就以二人咩餸菜都要親自煮,以誠意慰勞一眾勞苦功高的台前幕後工作人員為節目賣點。除此以外,每次二人都會以開檔形式,招呼嚟「幫襯」嘅同事。

當然,成個節目如果得曹永廉同蕭正楠兩個人做主持未免有啲單調,有見及此,節目組安排佢兩個揀兩位公司女藝員做助手。最後,兩位男主持就揀咗余思霆同胡美貽喺節目一齊幫下手。

余思霆 2017年華姐冠軍

今年24歲嘅余思霆(Stitch)四年前參加紐約華裔小姐落選,前年再接再厲,參選美國華裔小姐,變靚後樣貌終獲肯定贏得「最上鏡小姐」、「網上最受歡迎」及「最佳晚裝」等成四料冠軍,去年代表紐約出選國際中華小姐奪得冠軍,其後加入TVB

贏才華

代表紐約出賽嘅Stitch有着健康膚色及豐滿身材,加上陽光燦爛的笑容,喺上年國際中華小姐決賽第二環節中,眾佳麗穿上代表自己城市嘅服飾,Stitch戴上頭飾、手持火把扮演自由神像,再加上性感低胸裝及甜美笑容,為她在選美上爭取不少分數!

華姐競選余思霆之所以擊敗兩位大熱佳麗奪冠,才藝表演環節上的表現應記一功。決賽當晚,表演苦練多年的花式滾軸溜冰,台下十年功無白費,輕鬆做出一字馬動作技驚四座,完美得分,成就黑馬冠軍。

爆冷攞獎

賽前被視作半冷馬的Stitch最終力壓林宣妤及港姐馮盈盈,爆冷成為2017年度國際中華小姐冠軍!賽後林宣妤直認才藝表演唔夠爆發力,問答環節又不夠自然,而季軍香港代表馮盈盈則表示輸得心服口服:「我同余思霆同房,每晚都見住佢不停拉筋練習,好厲害好勤力。贏獎係一個bonus,友誼係最大嘅獎。」

被指鼻太假余思霆:戴咗牙套

但由選美至當選期間,不少網友就指佢個鼻好假,當晚電視出現呢幕,不少觀眾都話佢個喊樣好硬膠好唔自然,鼻子筆挺兼「拮手下巴」,跟2011年參加台灣選美時的豬包臉相差甚遠,被質疑執靚參選。

余思霆賽後笑住否認:「個鼻冇乜點變,只係塊面瘦咗,比賽前整過牙,戴咗牙套後可能有少少改變。」之但係點解整牙又關個鼻事呢?

自信爆棚 熱愛選美

22歲、擁有33B上圍的余思霆,出生於台灣花蓮,一向熱衷選美,有多次選美經驗,2011年、17歲仍係濛眼、豬膽鼻、闊面的她,參選台灣凱渥夢幻之星,入圍二十強止步。

近年移居美國紐約後,奇在余思霆的樣貌亦入鄉隨族「由中變西」,分段多次漸變成尖臉高鼻下巴兜兜的半唐番樣。

對外貌極有信心的思霆經常於社交網絡開心share不同階段變靚相,如私影照及從事兼職model的工作相,鍾情玩cosplay的她,每年萬聖節都會扮鬼扮馬應節,魔界俏女僕、谷胸鬼娃娃及性感SM造型應有盡有,為呃like無所不用其極,睇得出極愛表現自己!

如果我能擁有一個Power. 拜託讓我能夠辨識人類說謊的能力!

A post shared by Stitch Yu 霆霆 (@yutingting94) on

漸獲重用

於2017年獲得《國際中華小姐競選》的冠軍,之後加入TVB, 憑藉豐滿的身材以及燦爛的笑容,獲得不少巴打的喜愛,早前參演電視劇《好日子》的拍攝。

佢曾經講過要成為出色的演員或主持,加入TVB後亦有喺《Big Big Channel》發布會中亮相,今年亦有為《Big Big Channel》一週年而出席慶祝活動。

It was a fun night !!!!!!!! #一年了 #BigBigChannel #happybirthday

A post shared by Stitch Yu 霆霆 (@yutingting94) on

Stitch除咗有份負責主持一至五晚嘅《兄弟大茶飯》外,亦有份主持《深夜美食團》,主持嘅工作就比拍劇多,唔知幾時可以見到佢出現喺劇集度呢?

爆馮盈盈 愛光豬周圍走

在較早前播出的《後生仔傾吓偈》中,華姐冠軍余思霆講起參選華姐嘅事,其中佢就大爆馮盈盈當時嘅真面目,原來馮盈盈鍾意喺酒店房內全裸周圍走,仲要除完衫唔係即刻去沖涼,而係呢度執下嘢,嗰度執下嘢!

余思霆話當年參選時,佢同馮盈盈住喺同一間酒店房。有日馮盈盈問佢:「你介唔介意我在你面前除衫?」,之後馮盈盈就喺佢面前脫淨bra同底褲,然後去沖涼。

兩大索女一齊沖涼……

去到第五日,馮盈盈將行動升級,唔單止喺余思霆面前除衫,今次仲直接剝光豬,咩都唔着,全裸喺房入面周圍走!不過余思霆都「不甘示弱」,後尾索性都剝光豬,仲同馮盈盈一齊沖涼。麥明詩聽到佢哋咁都忍唔住話:「個情景好hot啊!」。

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!

關鍵詞
余思霆