余文樂

余文樂 帶妻歐遊補度蜜月

最新娛聞

廣告

只要搵到真愛,時間長短唔係問題,好似余文樂同台灣皮帶大王千金王棠云由拍拖、結婚、生B一條龍,前後一年半左右搞掂,去年爆戀情,12月就飛去澳洲結婚,上月10日仲誕下二人嘅愛情結晶余初見Cody㖭﹗眨吓眼余太都坐完月,余文樂雖然忙演藝事業又要搞個人時裝品牌生意,不過氹老婆呢家嘢,幾忙都要做,就係帶妻歐遊補度蜜月…

撰文:東方新地 │圖片:余文樂IG王棠云IG

余文樂 帶妻歐遊補度蜜月

近日余文樂就帶住老婆去咗意大利旅行,留言話「希望有生之年可以去更多我想去嘅地方」,相中所見佢哋睇古蹟又去坐船出海睇靚景,仲歎好多美食,難怪樂仔形容今次係「wonderful trip」啦!

兩公婆去旅行,冇帶自拍神棍,想影合照又想睇吓景,唯有利用鏡去幫吓手啦﹗

為咗同老婆留倩影,余文樂帶齊架生用相機,唔係用手機hea影㗎﹗

做咗人阿媽嘅王棠云嘟起小嘴,可愛之餘仲有陣少女味﹗

平時操開嘅余文樂,騷肌晒太陽是常識吧﹗

﹗更神奇嘅係王棠云生完個零月,已經回復做女嘅身型,完全冇水腫、臉手都好纖瘦﹗由於王棠云婚前已經陀住BB,婚後隨住個肚愈嚟愈大,連娘家台灣都冇飛番去﹗好大機會今次歐遊係補度蜜月,不過相信呢對新手父母,離開囝囝成個星期,一定掛死寶寶﹗

平時為練出六嚿腹肌,飲食都要好節制,去旅行當然放肆吓,睇到樂仔個餵食樣就知平時忍得幾辛苦,意大利雪糕咁有名,破戒都值得嘅﹗

早前王棠云喺生完之後,先po大肚前同余文樂影咗輯大肚相,搞笑又甜蜜﹗

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!