倪晨曦

美妝達人+網紅女神如何育成?倪晨曦 話做IG女神一定要⋯

最新娛聞

廣告

60萬IG粉絲是如何練成的?倪晨曦都話每日都要扮靚出po絕對唔懶得!身為美妝達人同網紅女神,經常留意住啲新出化妝品亦都係必須的,所以早前倪晨曦約埋閨密去中環專櫃睇唇膏。據非正式統計,女人化妝櫃平均有二百支唇膏,對女神嚟講,唇膏邊有人會嫌多?

撰文:東方新地 | 圖片:新傳媒圖片 、倪晨曦IG倪晨曄IG

倪晨曦 仙氣遊街

點解人頭湧湧商場內,咁都會發現倪晨曦?仲使問既,生得高佻、髮色搶眼、唔覺竟一個回頭已經靚爆鏡,最緊要係點解女神啲閨密又係白淨靚女又腳長?兩個零死角女神行出街,點會留意唔到呢?

女神倪晨曦日前約埋閨密去中環行街,背影已經「影后級」靚絕,搭電梯時再嚟一個不經意回望,仲唔係「中環我最靚」?

靚女得嚟人緣又好,今次陪去街唔係名模閨密Zelia、同朱韻韻,亦唔係餅印家姐,不過一樣皮膚白晳腳長長又係靚女一名。

友人買手袋,倪晨曦就專攻化妝品,支支都要開嚟試吓色研究吓。

唔係講笑,倪晨曦IG真係幾乎張張相都女神級,男女通殺,咁多粉絲亦不無道理!

倪晨曦紮馬尾一樣超靚,好有氣質!

倪晨曦被Bosco抄牌

咁靚女梗係多人追,有指黃宗澤08年在加國登台時狂追倪晨曦,第一次見面已經成功「抄牌」。

倪晨曦曾在葉念琛執導的《溝女不離三兄弟》中飾演潘小姐,少有地名字非為「阿寶」的女主角。出道時,主要以模特兒工作為主,氣質婉約溫柔,受網民的歡迎。

樣子甜美、身材高瘦的她迷倒不少男生,而且她也有發展其Youtube channel,亦成功得到一班女粉絲的熱捧。

除了模特兒工作,她現時主力發展Youtube channel,內容圍繞美容及瑜珈等女性方面的話題,成為美容KOL。

瑜珈女神

網絡女神倪晨曦出晒名靚女又身材正,對扮靚好有心得之餘,除咗係模特兒、美妝達人、網紅女神、藝人,同時係一位瑜珈導師, 見佢經常都會上載自己瑜伽運動照,有姿勢有實際!

倪晨曦雖然唔算話上圍非常豐滿,不過勝在身型平均又修長,每次一身運動打扮都非常吸睛,難怪唔只男士們視佢為女神,女生們都好想跟佢學嘢!

樣靚身材正、又係瑜珈導師的倪晨曦,喺社交平台有超多粉絲,仲要男男女女都勁like!

倪晨曦、倪晨曄

網絡女神倪晨曦唔使多介紹啦,原來佢都有個親妹妹倪晨曄(Jennifer),仲要一樣咁靚女!倪晨曦2005年時參加多倫多華裔小姐並奪冠,原來妹妹Jennifer同樣參加過「2007年多倫多華裔小姐」競選,並奪得「魅力傳城大獎」,靚樣無庸置疑!

妹妹已為人妻

妹妹Jennifer同倪晨曦眼睛及面形都頗相似,笑起上嚟甜美動人,而且一樣身材修長窈窕,不比家姐遜色!Jennifer 2015年已經與一位外籍人士喺夏威夷結婚,現時育有兩個可愛混血女兒。睇嚟Elva同男朋友都要努力啲,追貼妹妹的進度!

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!