傅穎

傅穎發難兼霸氣反擊整鼻疑雲 網民:分享下醫生contact!

最新娛聞

廣告

話說傅穎(Theresa)樣貌近年嚟不斷進化,真係數唔到進化到去Version幾!日前,Theresa上載自己新戲換新look嘅相上個人社交網,點知有網民留言質疑Theresa整鼻,結果令Theresa發難兼霸氣反擊!

撰文:東方新地|圖片:傅穎ig

傅穎發難兼霸氣反擊整鼻疑雲

近年,相機美圖app、化妝等發展愈嚟愈創新兼發達,令唔少人都可以輕易變得理想中咁靚!而傅穎近日因拍新戲換新look而不斷上載自己最新近照,相中見佢換新一變,變成清爽短髮look,感覺都幾清新!

然而,當Theresa甫出拍電影時嘅相時,竟然有網友留言問Theresa:「個鼻整得幾靚喎 ,可唔可以share醫生contact?」,睇落普通嘅一句,雖然唔知係無意定故意咁問,但都肯定觸及咗Theresa對呢個話題嘅敏感神經!

於是可能言者無意,聽者有心嘅情況下,Theresa終於忍唔住發難兼霸氣回覆該名網民:「你去請專家,我願意給他檢查到底有沒有整,這樣好不好?」,好似有啲火!

延伸閱讀:

傅穎形容自己「易容術」

Theresa自爆一個導演朋友認為佢十年前個樣好似紙紮公仔,又承認自己「易容術」高超,而佢嘅「易容」形象又太深入民心。佢又指,「變樣」係源於有生活閲歷,簡接否認整容傳聞,其實講咁多,重點都係呢句啫:「導演說見到你後真不覺得你有整容」!

Theresa多角度自拍,輪廓幾靚!

回想當年嘅Theresa又真係好true,好pure嘅!

大約十年前開始,「女神化」後嘅Theresa,大眼仔、娃娃樣成為佢嘅標記。

2018年嘅Theresa,大家仲認唔認得佢?

先睇傅穎2.0同3.0

其實傅穎一直都俾人話整容,而家睇下佢啲傅穎2.0同3.0先!

傅穎上傳淡妝相力證冇整容

不過,呢排傅穎就喺自己嘅IG放咗一堆好清純嘅相,冇再用大眼仔,冇再化濃妝,似乎要幫自己平反!

有網民就話佢清純靚樣重現,濃妝太俗氣啦,又話唔戴大眼仔仲靚啊!

網民就咁諗嘅⋯⋯

除咗Theresa嘅妝容改變之外,少不免都有繼續有關於整容嘅話題啦~

有啲網友就比較關心身材嘅部分~

傅穎進化史圖示

都係嗰句啦,冇圖冇真相!所以小編就搜集咗唔同時期嘅傅穎圖片,等大家自行定奪啦!睇相啦!

傅穎3.0

自轉戰內地發展後,傅穎次次出嚟都被指整容。最近喺呢條片佢就扮晒可愛咁,但就被指:「最近鼻孔一直要搶戲」!!唔知大家點睇呢?

驚現間尺鼻!

唔知係咪受化妝影響,Theresa驚現超直鼻樑,睇嚟除咗鼻窿搶鏡,間尺鼻亦非常注目!

傅穎2.0

小編老實講,呢個有哂金髮、齊瀏海、假眼睫毛、大眼仔嘅傅穎,真係經典嚟㗎!完全係當年「偽㗎妹」嘅表表者,亦令傅穎轉型!

當年都唔知有幾多女仔因為Theresa所以都打扮得非常「偽㗎」⋯⋯

傅穎當年都係宅男女神嘅代表!

傅穎1.0

不過老老豆豆,小編最懷念嘅都係當年仲係冇濃妝、冇整容疑雲、好Pure好True嘅Theresa⋯⋯

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!

關鍵詞
傅穎