黃日華

全部毛孩都係領養!|黃日華 全家出動帶貓睇醫生

最新娛聞

廣告

養足三十幾年狗,第一隻狗就係太太梁潔華領養返嚟,黃日華屋企有貓有狗、一家都係貓奴狗奴唔少人都知,到底錫貓狗到咗咩程度?小編都係見識過先至知,原來毛孩生病喺黃家大件事過人生病,一家三口齊齊出動護送去睇醫生!

撰文:東方新地|圖片:新傳媒圖片庫、黃芷晴IG

黃日華 去年八哥去世

一向係愛寵之人,不過養過貓狗都知,生老病死亦係無可避免。繼去年9月黃日華領養回家、養足六年的八哥去世後,日前隻短毛貓亦都身體不適要睇獸醫,由黃日華專車護送過海睇醫生、老婆梁潔華同囡囡黃芷晴親自護駕。

睇足一個鐘醫生,黃日華就憂心仲仲、乸埋口面成個鐘,終於等到隻寶貝貓睇完醫生,黃日華嗱嗱聲問清問楚囡囡醫生點講、然後目不轉睛望實囡囡擺番隻貓上車個樣,隔住個mon都見到呢家人有幾錫屋企啲毛孩!

一雙關注的眼神、一個深鎖愁爆的眉頭,黃日華呢個樣,之唔係睇住隻寶貝貓身體不適要睇醫生囉。

自己做司機、老婆囡囡就負責護駕,一家三口送貓睇獸醫,等到見完醫生,黃日華即刻向女兒黃芷晴了解情況。

原來唔止兩父女,同行還有太太梁潔華,絕對為咗一隻貓全家都要出動。

貓貓睇足一個鐘醫生,黃日華為咗睇住架車,喺外面就煙駁煙擔心足一個鐘。

黃日華一家愛寵物,而且每次都係領養嘅,曾經收養一隻體弱多病又年老已十歲嘅古代牧羊犬,早幾年過身,去年九月又輪到八哥因病離世,依家屋企只剩一隻5歲嘅古代牧羊犬同一隻短毛貓。

屋企除咗狗,仲有呢隻短毛貓,一家人當佢仔咁錫!

黃日華囡囡芷晴,早前為慶祝5歲嘅古代牧羊犬生日,親自整狗狗食得嘅蛋糕!

腿:朕五歲啦!!! 又有黃奴才整既homemade蛋糕食,真係爽皮! #bolobaking #全部都食得除左糖皮 #不過腿都好乖慢慢等 #happybirthday
wongadrian 黃芷晴(@wongadrian)分享的貼文 於 張貼

wongadrian 黃芷晴(@wongadrian)分享的貼文 張貼

wongadrian 黃芷晴(@wongadrian)分享的貼文 張貼

 

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!