李婉華

【再創世紀】客串演出依然咁索!50歲李婉華同鍾嘉欣鬥戲

最新娛聞

廣告

現年50歲嘅李婉華係90年代花旦之一,當年拍過不少劇集及電影,仲同吳鎮宇、何家勁拍過拖,但兩段情都未能開花結果,最終婉華嫁畀圈外男李守正,仲生咗一女及一對孖仔,婉華近年移居加拿大,早前同家人去墨西哥度假,佢喺facebook貼咗幾張三點式泳照,身材依然火辣,點睇都唔似係三子女之母,而且外貌跟廿年前相差不遠!

淡出多時嘅佢喺大台重頭劇《再創世紀》中客串演出,套劇近日在內地率先播出,其靚樣唔輸蝕得過現年34歲鍾嘉欣㗎!

撰文:東方新地 |圖片:新傳媒圖片、李婉華facebook、鄧萃雯微博

50歲李婉華 同鍾嘉欣鬥戲

無綫與央視合拍的《再創世紀》已在內地播放,除了郭晉安、楊怡及林文龍等做主角,在溫哥華取景時找來在當地定居的鍾嘉欣客串外,原來還有婚後移居息影多年的李婉華復出拍劇。

李婉華在劇中飾演鍾嘉欣工作的生態村同事,同樣都係熱愛環保事業,所以二人有唔少對手戲,在第7集李婉華正式登場。

鍾嘉欣知道林文龍係迷你債券設計人,認定佢係間接害死自己爸爸媽媽嘅兇手,所以最後決定分手!

嘉欣寄情同朋友創立嘅生態村,繼續推動環保!

李婉華戲份不多,50歲是三子之母的她雖然有一段時間沒有拍劇,但外形比起34歲的鍾嘉欣唔輸蝕,樣貌也與20年前分別不大,真係保養得宜!

李婉華 生三個仲咁fit

現年50歲的李婉華已移居加拿大多年,雖然佢已是三子女的媽咪,但身材仍然保養得宜,近日李婉華同家人去咗墨西哥旅行,佢事後喺facebook上載泳照,穿上紅色三點式的她身材依然好fit,絕對係辣媽一名!

兩年前穿同一套三點式

其實李婉華兩年前曾穿同一套泳衣,依家都仲著到,證明身材零走樣。

育有一女及一對孖仔

李婉華03年6月在加拿大秘密結婚,育有兩子一女,女兒2003年出生,雙胞胎兒子則於2009年10月出生,李婉華不時在其社交網分享家庭照,早前佢就同一對孖仔以及大女一齊去日本,李婉華仲同囡囡穿上和服四圍影相!

2011年,本刊拍得李婉華同親友現身九龍塘又一城,當時見佢腹部微隆,相信當時生完孖仔未完全修身!

李婉華同黎瑞恩勁Friend

李婉華同小恩子好好朋友,小恩子當年結婚都有搵李婉華做姊妹,而今年4月小恩子在紅館開一連兩場《黎瑞恩感恩有你演唱會2018》李婉華都專程回港捧場,仲喺後台同小恩子嘅好友周慧敏合照㖭!

同鄧萃雯 相識30年

李婉華在香港演藝學院畢業後,獲前無綫金牌監製潘嘉德賞識加盟TVB拍劇,先後拍過《蜀山奇俠》、《老友鬼鬼》、《玉面飛狐》、《金毛獅王》等,首齣劇集是在1988年跟雯女合作的《旭日背後》,二人因此而成好友,今年7月雯女把二人約會照放上微博。據知,李婉華在無綫未出街的重頭劇中《再創世紀》有份客串,未知她是否會再度出山拍劇!

同吳鎮宇拍過8年拖

李婉華劇集、電影雙管齊下,為90年代無綫花旦之一,代表作就有和吳鎮宇合演的處境喜劇《公私三文治》,二人因此劇擦出愛火,而1991年二人合演的處境劇《卡拉屋企》更成為當年收視保證,可惜呢段情維持8年告終。

電影方面她大多以性感姿態現身,包括與梁家輝合演的《至尊三十六計之偷天換日》及《撞板風流》等,當年李婉華都應本刊邀請影過不少性感靚相㗎!

96年李婉華轉投亞視,拍過《親子情未了》、《非常女警》《屋企有個肥大佬》、《馬永貞之爭霸上海灘》等,她更在亞視邂逅男星何家勁,二人拍拖三年但戀情無疾而終,之後轉戰內地及台灣市場拍劇。

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!