利嘉兒懷胎4個月 自爆曾兩次小產
廣告
現年44歲的利嘉兒(Lily)2010年下嫁從事製衣及門鎖有米老公後，努力多年終於造人成功，日前佢喺社交網報喜，留言指BB將會在秋天出世。不過日前呢位孕媽出席活動時，自爆早年曾兩次小產⋯
撰文：東方新地
利嘉兒懷胎4個月 自爆曾兩次小產
日前利嘉兒出席時裝展，扮到靚一靚出席，有老公傍實到場，更乖乖穿上平底鞋，利嘉兒笑謂見到鍾嘉欣陀B 5個多月依然弗爆好生羨慕，自己4個月肚比嘉欣更大﹗
Lily又爆當日陪她出席活動嘅老公超級緊張，禁止她染髮、塗甲油同化妝，不過Lily話：「我問准醫生，話check清楚啲用品成份安全就冇問題﹗」
利嘉兒一臉喜悅公布喜訊，但原來結婚八年曾試過兩次小，Lily話：「之前失去BB時，我好唔開心，爆喊，醫生話查唔出咩原因。後來，我好努力調理身體，兩年後再有咗，但又冇咗，真係好有陰影，好驚。今次終於成功，因為我屬高齡產婦，醫生要我抽血，知道冇遺傳病，未問胎兒性別就放心離開，所以要下次產檢再問醫生係仔定女。」
上兩星期，未公布喜訊時的利嘉兒，未有聽從老公的禁止令，穿上高踭鞋性感現身。難怪向來低調嘅老公日前傍住利嘉兒現身活動。
愛靚嘅利嘉兒上月慶祝生日時，依然腳踏四吋高踭鞋，她自言是一個唔乖嘅孕婦，懷胎初期因為胃口差而偷食雪糕。
