胡杏兒

包尾出局 胡杏兒輸比賽贏民心

最新娛聞

廣告

胡杏兒參加內地歌唱比賽《跨界歌王》,節目上周六完成第10集,杏兒最終爭唔到最後一個準決賽名額,入唔到10強,慘被foul出局!本來晉唔到級都好閒,反正酬勞已經袋袋平安,不過原來賽制好有問題,原本一開始講明得10個準決賽名額,後來突然多咗2個復活名額,聲稱係由內地觀眾投票決定。最後杏兒冇得復活,要同內地女演員姚笛一齊被foul!14個人爭12個位嘅比賽,究竟呢個係咩玩法?

其他文章:

《城寨英雄》學生妹搶鏡 包包面林穎彤真身

多圖! 雞扒妹寫真完全睇

節目賽制訂明有10集初賽,每集會有1個嘉賓晉級。杏兒晌第4集已經以「補位嘉賓」身份參加比賽,簡單講,即係有7次機會入準決賽!雖然有幾次杏兒明顯發揮一般,尤其唱〈愛如潮水〉更加差到上唔到舞台比賽,但拉勻計,杏兒的確比唔少參賽者唱得好好多!

其實去到第10集,杏兒唱Eason隻〈K歌之王〉唱得唔錯,更成功獲得PK資格,有望得到最後一個晉級名額;可惜PK戰唱〈你的名字我的姓氏〉輸咗俾內地諧星小沈陽,最終無緣晉級。

最後一集有5位參賽者,本來杏兒同另外3位一齊出局都冇咁瘀皮,弊在原來大會安排咗一個所謂「復活戰」,由內地粉絲投票揀兩個復活歌手,最後當然係冇杏兒份啦!14個人爭12個準決賽名額,兩度有資格PK嘅杏兒竟然爭唔到都算,仲要同五音不全嘅女演員姚笛包尾出局!呢啖氣即使杏兒忍到,佢班粉絲都忍唔到,近日不斷晌微博鬧爆節目,真心嬲嬲豬呀!不過杏兒參加完《跨界歌王》後,微博粉絲人數急升至近800萬,輸咗比賽贏番人氣,當扯平啦!

全文完

 

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!