卓林

卓林女友Andi喜愛SM 成人用品隨時放上身

最新娛聞

廣告

日前,藝人吳綺莉女兒吳卓林現身加拿大,聯同女友Andi拍片表示「我要找爸爸媽媽」,短片一出隨即於網上瘋傳,其後又有傳卓林仲有意出自傳,新聞一浪接一浪。突然高調的唔止卓林,就連佢女朋友Andi原來都一直好高調,其實Andi喺個人社交網非常活躍,除了係個P圖達人外,仲係SM愛好者…?

撰文:東方新地|圖片:Instagram

卓林與女友Andi現身加拿大

吳綺莉與女兒卓林關係時好時壞,日前卓林與女友Andi現身加拿大,更拍片表示「我要找爸爸媽媽」,仲疑似試過淪落街頭。至於卓林女朋友Andi,比較熱愛可愛風,喺佢個人社交網上所有相都幾乎遍佈粉紅色調,認真夠哂PinkPink!除咗係個P圖達人之餘,Andi更竟然係個SM愛好者?

卓林女友愛扮月野兔

Andi睇落同時好似非常鍾意日本文化,除咗影相鐘意走kawaii嘅風格,有時會喺相度見佢有玩cosplay,主要係扮美少女戰士中嘅月野兔!加埋啲P圖嘅效果落啲相度,大家又覺得佢cos得似唔似?

Andi或者太鍾意美少女戰士,所以耐唔耐就會見到佢又扮一扮,有時會孖住朋友一齊影,甚至會拎埋真道具。

超愛P圖變大眼妹

其實,Andi啲相有時都睇到小編覺得好迷惘,因為唔知係佢化妝技術太好,定P圖P得太勁,Andi對眼好似愈睇就愈大,對眼個比例又有啲過咗火位,睇到好亂呀!

愛Cosplay仲愛SM?!

重點嚟啦!Andi除咗應該係個P圖高手外,原來仲係一個SM愛好者!不時仲會公開自己嘅SM系列俾大家欣賞。相中可見,Andi所收藏嘅SM產品種類眾多,而且全部都係粉紅色~

Andi時不時見佢都幾鍾意將呢啲類似SM嘅產品放上身當衣飾咁用。

而Andi連「足錠」嘅產品都有,小編唔知呢款算唔算重口味,但相信唔係人人都啱…

卓林 Andi好恩愛

曾任幼稚園教師的Andi,因幫卓林補習數學而撻著,更一度跟卓林回吳綺莉屋企居住,卓林亦因此同阿媽吳綺莉鬧大交,再次離家出走,最初就搬入Andi在灣仔的寓所同居,之後又曾搬到北角新竇。為養女友,卓林當時任兼職攝影師,月入僅得萬多元,還要靠阿媽畀生活津貼幫補。

卓林慳家養女友

為養女友,當時卓林任兼職攝影師,月入僅得萬多元,日常生活樣樣都要慳住使!早前本刊拍得卓林與Andi一早出發,啃個包做早餐,然後Andi就陪卓林返工!去到中午,二人都只去熟食市場食碗麵,食剩仲要打包拎走!卓林食完麵仲在銀包摷出大堆散銀埋單。

卓林與Andi食了約二十分鐘,就行去附近天橋底傾偈,卓林仲攞煙出嚟食。 兩人有講有笑非常甜蜜,見卓林望住女友笑過不停,熱戀中嘅情侶,真係點玩都咁開心!

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!