印度打工 袁偉豪受傷照頂

印度打工 袁偉豪受傷照頂

最新娛聞

廣告

袁偉豪同楊明到印度拍《反斗紅星冇暑假 打工捱世界》,昨日一集二人到塔爾沙漠打工做阿四,二人晨早就要徒手摘乾果,之後於烈日下又要灌溉田地、翻泥、打掃、帶駱駝接載遊客及執垃圾,直至晚上先完成全日工作,袁偉豪最後更做到受傷照頂,任勞任怨的拼搏精神,就連拍檔楊明都大讚唔錫身!

其他文章:

事事不如意 吳若希︰我依家想自殺!

女藝人副業五捷徑

摘果摘到成頭汗

二人到田地摘乾果,見袁偉豪拎住個大桶時,楊明怨對方應拿細桶,就可以快點收工!而袁沒理會繼續俾心機慢慢摘,仲摘到成頭汗!

有愛心又賣力

之後二人又要灌溉農田及泵車胎!袁偉豪指植物都有生命,叫楊明應慢慢澆水,但當見工頭成桶水倒落田時,袁即露尷尬笑容!灌溉完畢,工頭吩咐二人去泵車胎充氣,袁偉豪出盡力去泵,見楊明無氣無力又主動替對方泵,真係好man!

慘過做苦力

出盡力泵完胎後,工頭叫二人開拖車翻鬆泥土,袁偉豪全程揸住架車,相反楊明就於樹蔭下乘涼,真係辛苦晒!翻完土後,工頭帶二人去搬石頭砌磚牆,袁偉豪同楊明於烈日下逐一搬起大石,都咪話唔辛苦!之後二人以為放飯,工頭又叫二人去士多掃地及看舖!

狂執垃圾

日落之前,二人負責帶駱駝接載遊客欣賞沙漠美景,出發前先餵駱駝食草及飲水。可惜沿途遊客極少,最終二人食白果,老闆即吩咐二人於沙漠執垃圾,執到1kg先有人工,於是楊明拿拿臨開工,袁偉豪見對方開始攰,主動提出由佢頂上,最後更表示執到10kg垃圾,超額完成!

受傷照頂

忙完一日後,二人坐低傾偈,袁偉豪笑言楊明全日懶到極點,相反佢就做到手都傷埋!對於袁偉豪願意放下身段,任勞任怨的努力工作態度,楊明都大讚唔錫身!

相片:myTV截圖

全文完

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!