古天樂

內地女危坐商場舉橫額求借百萬 古天樂:唔好影響公眾安全

最新娛聞

廣告

現年47歲嘅影帝古天樂除了身兼演藝人協會會長、多間電影製作公司、經理人公司的老闆,佢仲一直低調做善事,在內地興建咗近百間學校,並幫助過唔少圈中人度過難關,真正有情有義!

人人都知古仔多年來熱心慈善,搵佢求助嘅人都唔少,就好似日前古仔到銅鑼灣一商場出席「劉鑾雄慈善基金」捐贈支票儀式時,竟有一女子危站在二樓,拿着寫着「求恩」以及「古天樂」的橫額,原來想問古仔借一百萬⋯⋯

撰文:東方新地|圖片:新傳媒資料庫、IG、微博

內地女危坐商場 求古天樂借百萬

活動至尾聲,眾嘉賓上台影大合照之際,一名女子跨越商場二樓欄杆危坐,手持寫有「求恩」二字的紅色橫額,寫明其父患重病欲向古天樂借100萬!

商場派出數名保安將該女子拉回安全範圍,好彩冇人受傷,其後呢個女子透過工作人員,將寫上簡體字和附聯絡電話的字條交到古仔手中!

女子自稱有病 父也同患病

事後有傳媒訪問該女子,她自稱身上有兩個腫瘤,而父親盆骨有事要醫,兩父女日日受痛楚困擾,之前喺廣州乞唔到錢,所以來港想向古仔借一百萬,仲話會還錢畀古仔。若未能成事唔會返廣州,死喺香港算!

古仔 經常收到求助個案

事出突然,見慣大場面的古仔都覺得驚險,仲話佢間公司以前都收過類似求助個案,有不同社區團體、老人院、學校曾接觸他,提出金錢上或物質上需要,例如要求書簿資助,他便找出版商幫忙,亦有將個案轉介慈善機構跟進。古仔說: 「「其實公司都收到呢啲求助個案,有時擔心係騙案,所以會了解清楚,係真先會處理。(了解?)要了解清楚先,有時唔係講一個銀碼,捐款都係,會盡力去幫。」不過古仔不贊同對方過激行為:「咁樣擒出嚟,引起公眾安全問題,如果下面有人,整親就唔好。」

「鮮浪潮電影節」獲「劉鑾雄慈善基金」捐贈一千萬作種子基金,「鮮浪潮」主席杜琪峯高興地說:「大拿拿一千萬,可以作長遠穩定的發展,因為『鮮浪潮』近年每年都不夠錢用,今次有這種子基金去投資收息,賺到的作為補貼,我們會以安全範圍的投資,加上要超過八成董事的同意才可動用基金!」

出爐影帝古天樂 首奪金像獎影帝

古天樂從影多年,演出角色無數,但之前竟從未攞過電影獎項。不過古仔今年在《殺破狼‧貪狼》飾演一位任警察的單親爸爸,罕有地親身上陣演出連場動作場面,內心戲又有感染力,最終佢憑此片打破宿命,在「第37屆香港電影金像獎 」中,首奪金像獎影帝!

古天樂出錢又出力

古天樂因2008年目睹汶川地震摧毀咗好多人嘅家園,先決定成立「古天樂慈善基金」,幫助有需要嘅人,佢仲出錢又出力,私下經常跟進同了解興建學校嘅進度,確保唔會出現豆腐渣工程。曾有記者致電詢問「在大陸捐建60幾間學校花咗幾多錢?」古天樂唔肯透露,只係話:「我只係本著做善事嘅心,唔想講錢,亦冇目標要捐建幾多學校。」仲話自己有小小成就,有能力就幫忙,亦會一直做落去。據知古天樂至今已斥資興建97間小學,並捐贈18間醫療室、750口水窖同1座小水利工程,捐款超過2,425萬。

曾幫「大佬B」還巨債

除咗低調做善事,古天樂喺圈中仲幫助過唔少人度過難關,「大佬B」吳志雄曾經公開感謝古天樂喺佢最困難時支持佢,據知「大佬B」喺1999年投資失利,蝕咗近億元,古天樂因為喺未紅時曾受過「大佬B」恩惠,所以幫佢還清巨債。此外,仲有指古天樂為感謝《陰陽路》監製南燕多年前嘅賞識,當對方患病時,一直喺經濟上支持對方,仲會久不久包機票、酒店請南燕一家去旅行。有傳古仔仲一直照顧前度女友黃𨥈瑩,每月都有畀生活費對方。

古仔樂樂善好施的性格也是眾人皆知,他作為一個製作公司的老闆,對待員工的大方程度也是非常疏爽,非常講義氣,兩脇插刀也是不在話下。他這樣對待員工,有錢一齊賺,逢年過節派發花紅獎金絕不手軟,也難怪員工們不遺餘力地協助他

99年 同宣萱齊封帝后

1999年男女主角古天樂與宣萱《刑事偵緝檔案IV》,奪得萬千星輝頒獎典禮最佳男主角和最佳女主角獎。而宣萱同古仔呢對最佳熒幕情侶再度合作,皆因宣萱同古天樂旗下經理人公司合作,佢早前出席公開活動話:「以Part-time形式幫我接Job,冇諗過同Ronnie(古天樂經理人)識咗十幾廿年後會再合作。試探吓先,如果夾就繼續合作落去。(傾向會做咩?)始終都鍾意拍劇,主持方面就弱啲,如果係商演、廣告就舒服。」

身家過10億

據聞古天樂的身價已經超過10億元,是一位名副其實的超級富豪,而且不僅是有錢,還很有愛心,在內地貧窮地區捐贈近百間中小學。不管是經濟條件,還是在心靈上都是那麼富有,現在只差一位彼此相愛的女伴,共度餘生。而且古天樂絕對是本地鑽石型男中最優質的頭幾位,他一直以來拍過不少作品,跟不少美女索模工作,但絕少傳出緋聞,多年來,他只唯一公開承認一個女友,就是跟他拍過拖7年的黃𨥈瑩。有指他們雖分開多年,但仍然有交流,古天樂仍然很關心對方,甚至有指古天樂曾承諾一生都不讓人傷害她。由此可見,他們分手後仍是朋友,古仔更對對方照顧有加,絕對是有情有義的大暖男!

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!

關鍵詞
古天樂