淘寶

網民:「係咪趁雙11有特價搞團購?」 10個女藝人台慶晚裝同淘寶貨撞到正

最新娛聞

廣告

啱啱播出嘅《萬千星輝賀台慶》各位女藝員都爭妍鬥麗,低胸、露背、透視等全部出齊,而佢哋身穿嘅晚裝亦備受外界關注。藝員出Show一向都有品牌贊助,著上身嘅分分鐘過百萬或過千萬,但係就有人發現幾條晚裝裙喺淘寶都有得賣?!

撰文:東方新地 |圖片:東星、淘寶網

10個女藝人台慶晚裝同淘寶貨撞到正

1. 馮盈盈

馮盈盈都算係當晚最爆,皆因佢著咗一條價值20萬嘅黑色透視晚裝,仲大爆自己無著底褲,不過有眼利嘅網民就發現有條類似呢條晚裝裙喺淘寶網只售168元人民幣。

2. 鄺潔楹

宅男女神鄺潔楹當晚著上一條紅色Tube Dress,設計簡單無花巧,所以淘寶上都有唔少類似款式,最平99蚊就有喇!

3. 黃智雯

雙料視后黃智雯當晚著上白色Deep V魚尾裙,設計簡約但係不失高貴氣質,不過喺淘寶就搵到條8成似嘅晚裝,只係差咁個魚尾裙擺,售價為379蚊人民幣。

4. 江嘉敏

台慶夜江嘉敏著上一條珍珠白色低胸裙,上身有繡花設計,下身則係紗感長裙,仙氣十足。淘寶網都有一條類似嘅公主裙,就咁睇好似仲靚過江嘉敏嗰條,售價為688.8人仔。

5. 陳庭欣

陳庭欣今年身穿套裝,望落成個女強人咁。喺淘寶搵到近乎一樣嘅套裝,不過唔同之處就係下身係短褲,價值128蚊人仔。

6. 湯洛雯

靚湯當晚著上一身黑色雪紡透視吊帶長裙,雖然若隱若現都幾性感,但係套衫就好似唔係好襯佢,有啲大媽feel。淘寶竟然搵到條9成相似嘅裙,只係條肩帶有少少唔同!而淘寶就賣緊298蚊人仔。

7. 蔡思貝

一頭短髮嘅思貝著上淺藍色低胸長裙,露出鎖骨。雖然淘寶搵唔到一模一樣嘅裙,但係都有類似設計同花款嘅晚裝,售價為258蚊人民幣。

8. 王君馨

當晚王君馨著上白色Deep V透視魚網拖尾晚裝,中門大開大騷身材,晚裝令佢顯得高貴大芳。不過淘寶就搵唔到一模一樣嘅裙,但係就發現有類似蕾絲晚裝,售價為2600蚊人民幣,比起咁多條晚裝嚟講係最貴!

9.傅嘉莉

傅嘉莉著上紅色大Deep V 晚裝,下擺非常有層次感,淘寶上竟然搵到條一模一樣嘅裙,定價為298蚊人民幣。

10. 陳煒

其中一位大熱視后陳煒當晚著上一條蕾絲大Deep V 長袖晚裝,配埋金色長款耳環散發出知性美。淘寶網上搵到條設計差唔多,不過花紋同顏色就有啲唔同嘅晚裝,係10位撞款女藝員中售價最低,賣36蚊人仔咋!

 

相關文章:

Janice Man「半裸」現身金像獎

不過講到真空唔著底褲行紅地氈,相信唔少人都會諗起另一索女Janice Man(文詠珊)!2016年金像獎頒獎禮當晚,有份角逐最佳女配角的Janice Man身穿極性感黑色Versus Versace晚裝,大露背之餘亦露出整條美腿,右側睇幾乎係半裸咁滯!

越南模特兒更索?

JM條裙咁誇張,當時就有網民搵到一位越南模特兒Ngoc Trinh,佢曾經著過同一條晚裝裙,網民都大讚佢更索!因為相比起Ngoc Trinh的「有前有後」,Janice Man的瘦削身材似乎就比較輸蝕啦!

第二年玩透視誘惑

之後一年Janice Man亦有出席金像獎頒獎禮,透視誘惑索到爆,騷玉背晒長腿,不過比起前一年已經算多咗好多布啦!

周汶錡 仙氣名模盡騷身材

2014年「 時裝.視野時裝秀及頒獎禮」酒會活動上,名模周汶錡就曾穿上一條黑色抹胸裝短裙,右邊條子露肉的設計性感誘人,更顯得周汶錡身材出眾,加上名模獨有的高貴氣質,成個造型簡直一流!

金像獎真空出「股」惑

之後去到2017年金像獎,大會「最佳衣着」評審周汶錡以一襲華麗透視長裙真空現身,大晒美臀及長腿,仲有個超級大露背,無論正面、側面及背面都係咁吸睛!難怪當時記者都話佢應該將「最佳衣着」獎頒俾自己。雖然去到最後,周汶錡選出的得獎者係林嘉欣。

G.E.M. 鄧紫棋 突然變高妹

原來仲有佢!阿G.E.M.(鄧紫棋) 曾幾何時被視為「時裝車禍」,衣著品味外人真係難以理解,不過近年已經好番好多,G.E.M. 今年初出席內地歌唱節目時,著上一條黑色高衩貼身裙,裙款同上文三位靚女著的有幾分似,當時又係被指冇著底褲!

驚嚇毛毛蟲透視

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!