吳剛

吳剛師傅疑患新冠肺炎 涉拖欠陳奕迅個唱門票退款

最新娛聞

廣告

食過炭、飲過滾油、心口仲碎過大石,有一種經典叫「吳剛師傅」,身為歡樂滿東華台柱,想當年話佢一年一度表演內容仲萬眾期待過四大天王唱歌都不為過!不過今時今日籌款節目沒落,吳剛師傅都一早轉戰飲食界,但12年因合約糾紛被法庭頒布破產令,近日更揭破產期被延至今年7月,大大話話超過廿年未喺電視機蒲過頭。不過今日有消息指吳剛師傅患上新冠肺炎抱恙,兼被爆料拖欠陳奕迅個唱門票退款,涉款33,320元。

撰文:東方新地 圖片 :新傳媒圖片

吳剛疑染疫 肚瀉氣喘

上世紀九十年代,一講吳剛師傅,全港電視觀眾無人不識。招牌油淋淋爆肌、同東華指定自虐環節年年都係全城話題、焦點所在。近年升呢做酒樓集團董事、一手創辦婚宴王國分店遍布港九新界,之後因合約糾紛而轉到另一酒樓集團任宴會部總監。今年65歲的吳剛師傅除咗兩年前友情客串張致恆、許靖韻MV外,已極少露面。今日突傳出吳師傅感染新冠肺炎的消息,並有指他稱自己檢測呈陽性,肚瀉氣喘且胸翳全身痠痛乏力。

去年露面 全家潮爆出巡

吳剛個人標誌濃密假髮、日常厚粉舞台濃妝、筆挺西裝同西裝袋內不可缺少的白色手巾仔實在獨特,一旦出巡,正如漆黑中的螢火蟲咁鮮明、咁出眾。去年吳剛師傅被本刊捕獲,帶埋老婆同個仔出巡,一家三口造型出位由頭潮到落腳,隆重而有台型,九十年代童年記憶瞬間返晒嚟!

吳剛
闊別幕前轉戰飲食界多年,唔止吳剛師傅一個,連吳太同兒子一出場都十足登台一樣執到正,實情呢日一家三口約埋友人在寓所樓下商場醫肚,落街食個飯都咁大陣仗!
吳剛
90年代活躍電視台更係年年東華台柱,今年64歲的吳剛師傅一向緊張外形,其實比起好多同輩藝人keep得更好。

登台look食便飯

吳剛師傅一個出現已吸睛,更何況激罕帶埋老婆同囝囝,一家三口同框出現。果然係一家人,品味同潮流觸覺都同出一轍,就近在寓所樓下商場食個便飯,都盛裝出席各有特色:吳剛一身黑色西裝十足國內大騷春晚主持、吳太綠底金線繡花套裝再襯埋白邊黑色女士帽、現年二十一歲兒子則是牛仔乾濕褸窩釘長褲腳踏短靴、日光日白戴埋帽同圓框黑超,cool爆神情唔講以為韓星出沒。一家人招呼完朋友食平民上海菜後,吳剛帶埋囝囝先行返回樓上君臨天下豪宅寓所,吳太就同友人在超級市場掃埋日用品再返歸。話說一對兒女早年都被吳剛師傅送去英國讀書,兒子滿十八歲後回港先至曝光,吳剛師傅雖然否認兒子有意出道,不過阿仔星味拍得住老竇!

傳拖欠陳奕迅演唱會門票退款

今日除傳出吳剛師傅染上新冠肺炎,亦被爆料指他去年為人代購三十四張,每張價值980元的《陳奕迅Fear and Dreams香港演唱會19/20》門票,不過陳奕迅演唱會最終取消,而主辦單位亦已在今年4月底完成所有退款手續,不過吳剛一拖再拖都未退環款項,涉款$33,320, 最終涉事人報警求助。

吳剛師傅疑患新冠肺炎 涉拖欠陳奕迅個唱門票退款

20歲仔 扮韓星

私生活成謎嘅吳剛育有一子一女,兩年前他首次帶仔現身,一齊睇鄭少秋演唱會,一身造型同潮味深得父母精髓。

吳剛
結婚多年仔大女大,吳剛師傅同太太感情依然要好,食飯期間不斷交談話題不斷。
吳剛
同友人食完餐飯,吳剛師傅作東請客,然後一行人站在餐廳門外商量下個去處。
吳剛
最後決定吳剛同囝囝先行返回樓上寓所,而太太則帶埋友人行轉超市入吓貨先。

吳剛轉投另一家酒樓集團任宴會部總監,連婚宴、晚宴司儀都要做埋,早前跟宴會嘉賓薛家燕喜相逢。酒樓的宣傳單張都印上佢嘅嘜頭作招徠。

吳剛
吳剛和家燕姐合照

經典回帶

拍過電影、做過亞視,90年代吳剛師傅跳槽到無綫,以一身精鋼身形同食油搽勻全身表演東華節目殺出一條血路,成為年年東華籌款重點項目。曾經食過炭、飲過熟油、纓槍插頸又心口碎大石,雖然被踢爆用特備道具以假亂真,不過始終都係一代人回憶。

吳剛
心口碎大石
吳剛
飲熟油