吳若希

吳若希影孕照嘲老公做道具唔夠sweet 網民睇唔過眼:連sweet都要被指揮

最新娛聞

廣告

語不驚人誓不休的吳若希,最愛公開鬧老公,安胎等生的吳若希胋出巨肚孕照,出po怨老公表現未盡完美,唔夠sweet搞到攝影師要求「sweet啲」,不滿老公表現的吳若希,卻未得到網民認同,貼大肚相都可以引來一大堆負評,相信只有吳若希做得到。

撰文:東方新地 圖片:東方新地、IG:flowerspaceproduction

28歲人妻吳若希(Jinny),大女都3歲,細仔都就快出世,不過言行都同做女時一樣咁出位,早前宣傳新歌公開大爆老公何兆鴻(Alex)婚前經常講大話,曾背叛她腳踏兩船,所以Jinny話做惡妻是有苦衷云云。雖然吳若希成日公開鬧老公,但仍同 Alex成功製造第二個愛情結晶,不過她亦自爆是因疫情留家中冇嘢做故成功造人。近來在家安胎的吳若希,貼出同老公的孕照,相中的吳若希著住高釵背心連體衫,臉、身及手指貼上花,挨住老公,一輯看似幸福的一輯巨肚孕照,不過原來是Jinny的抱怨文:「這張孕照,

是第一輯的孕照的攝影師 @tylerli_ 幫我們拍的,因為有拍過的經驗,

他尊稱我夫君大人為「道具」。

「props 埋位!」

「頭低d」

「望住老婆」

「sweet d」

我承認他真的很像一個會動的道具~

連「sweet d」都要被指揮,可想而知他對我是有多愛

吳若希陀第二胎,現正安胎留家中,呢日貼出巨肚孕照,同老公攬住晒幸福,但原來是抱怨文。
吳若希陀第二胎,現正安胎留家中,呢日貼出巨肚孕照,同老公攬住晒幸福,但原來是抱怨文。
吳若希 有另一輯戶外孕照,今次老公冇入鏡。flowerspaceproduction
有另一輯戶外孕照,今次老公冇入鏡。flowerspaceproduction

網民勁踩孕照:偷咗阿仔件底衫著?

吳若希嘲老公係道具,怨佢唔夠愛自己,不過未有得到網民共鳴及安慰,反而惹來大家洗版鬧爆:「連續sweet都要被指揮」、「自然啲唔好咩,太扮嘢,作狀」、「老公唔喺呢行唔識對鏡頭都唔係罪」、「老公勁慘」、「做甚麼都咁高調,點解嘅?」、「專制到」,更有大量留言係踏佢輯大肚相冇美感「得罪髮型師系列?個頭想點?」、「好似偷咗阿仔件底衫」、「啲花想點?」,向來惹火的吳若希,最愛在社交網擦存在感,相信就算係負評都唔冇所謂嘅﹗

吳若希 日前貼出陀大女時的黑白大肚照,玩型格﹗
日前貼出陀大女時的黑白大肚照,玩型格﹗
吳若希 日前貼出自己同老公肚貼肚相,留言「究竟邊個懷孕?」笑老公有大肚腩。
日前貼出自己同老公肚貼肚相,留言「究竟邊個懷孕?」笑老公有大肚腩。
吳若希 貼出老公同囡囡身貼身睇電視背面,以為佢晒父女溫馨照,原來又係抱怨文:「我個位呢?走開啦何兆鴻,美女與野獸」
貼出老公同囡囡身貼身睇電視背面,以為佢晒父女溫馨照,原來又係抱怨文:「我個位呢?走開啦何兆鴻,美女與野獸」
近來留家安胎的吳若希,不時在社交網貼相谷人氣。
近來留家安胎的吳若希,不時在社交網貼相谷人氣。

吳若希新歌藏老公講大話證據

吳若希(Jinny)日前作客TVB娛樂新聞台節目《 StarTalk 》,接受主播許文軒 (Edmond)專訪,談到為何時常公開談論老公的惡行時,Jinny笑說:「其實呢啲唔係情趣,係事實!因為用溫和嘅方法對男仔係冇用㗎!」吳若希感慨表示相隔四年終於再推出新唱片:「 其中〈 麻醉 〉呢首歌係講我老公拍拖時嘅關係,我本身好鍾意隻歌,但又愛又恨,大家聽吓就知我老公未同我結婚時有幾多大話,搞到依家我一聽到啲歌詞就好嬲,因為我最憎人講大話!」

吳若希斥老公大話多 惡妻御夫有「苦衷」:對男仔溫和係冇用!

提到再度懷孕的感受,吳若希笑言:「 我好記得上一胎我臨生時,姑娘叫佢起身唔好瞓,話你太太生啦!佢竟然繼續瞓,嗰吓真係嬲,呢個人點可能唔理小朋友出世,淨係掛住瞓,我好期待今胎佢會唔會再瞓到成隻豬咁!」

吳若希斥老公大話多 惡妻御夫有「苦衷」:對男仔溫和係冇用!

吳若希貼出跟淼淼母女合照,寫上一家四口以宣布陀B,相中吳若希腹部明顯隆起。
吳若希貼出跟淼淼母女合照,寫上一家四口以宣布陀B,相中吳若希腹部明顯隆起。

窒完老公又甜蜜放閃 網民質疑吳若希:大肚婆情緒化?

28 歲吳若希上月突傳出懷胎三個月,當事人一直未有正面回應。吳若希同老公同步公布喜訊,立即得到不少圈中人恭賀,亦有網民留言:「睇嚟你老公鍾意打機之餘都會做其他事。」吳若希秒回:「疫情期間日對夜對,都真係好悶既。」自爆同老公係疫情期間密密做人所以搞出人命,何生真係要多謝呢個疫情囉﹗

陀B後的吳若希上圍明顯升級。
陀B後的吳若希上圍明顯升級。

吳若希囡囡為弟弟改名Krisoff

吳若希之前一直未有正面回應再度懷孕消息,上月廿三日28歲生日時更貼出跟初生貓咪合照指家中的確有新成員,原來當時吳若希確實陀住在BB,當時亦透露貓咪性別係男,並由囡囡淼淼改叫Krisoff,相信當時想跟大家分享喜訊但未夠三個月未能公布,故借初生貓咪來回應陀仔報道。

自爆疫情下勤力做 吳若希宣布陀仔

吳若希突然停工為安胎

28歲的吳若希(Jinny)自從出道以來便緋聞不斷,還特別有大叔緣,先後獲得多名叔父輩城中富豪特別照顧,居所愈住愈豪、座駕愈揸愈豪,長久以來收入與支出極度不成正比。想不到大叔緣直到產女結婚之後依然暢旺,代步繼續用富豪名下靚車、收工繼續喜孜孜由關係千絲萬縷的億萬富豪十哥接送。去年底與十哥藕斷絲連關係曝光再引軒然大波,才激到另一半何兆鴻 (Alex)出招,搖身一變成為跟得老公連日蒲頭電視城等收工,亮點係入手新車由兩公婆名下公司持有,回復恩愛連造人都動起來!上月有傳吳若希陀B三個月,好快為囡囡添個伴了!

窒完老公又甜蜜放閃

傳出又有身孕的吳若希仍然密密出Post,日前就Po出一張身穿民族長裙的造型照,留言間有暗串老公意味:「尋晚何兆鴻(吳若希老公)令我體會到一樣嘢,無所謂既「應唔應份」,只係睇你「樂唔樂意」。你唔樂意,就無嘢係應份。」隔一日就甜曬同老公慶祝生日嘅照片,仲話:「昨晚過得好滿足~」令網民不禁懷疑吳若希再有身孕的傳聞屬實,情緒似乎波動。

盛傳陀B三個月,吳若希日前在家與囡囡暢泳消暑,晒Bikini照。

雖然吳若希誕下囡囡後多番揚言唔再生,但與老公挽回婚姻後亦有轉軚,即將迎來四口之家。
雖然吳若希誕下囡囡後多番揚言唔再生,但與老公挽回婚姻後亦有轉軚,即將迎來四口之家。

傳陀B仔三個月

一向看重事業的吳若希,被爆近來連推兩部重頭劇,大好機會都放棄即惹來懷孕揣測,而她早前便在instagram呻增磅不少:「我今天量體重,54kg比平時重了3kg,但看到自己的腿和手臂還那麼細,就跟自己說了句,今晚可以放心吃消夜…」愛keep fit突然增磅又被拍到孕味濃微胖照,有指吳若希因為剛懷孕滿三個月,所以未向外報訊,但家人十分緊張,吳媽媽為此更每日到女兒家貼家照顧,而近期除了宣傳新歌〈有位蠢才〉外,連主持的節目《姊妹淘》都被停播了,吳若希可以有更多時間好好安胎,不過對於事件,吳若希就禮貌表示唔回應了,未有否認陀B消息。

吳若希 近日上載睡相照,話自己好攰喎!
近日上載睡相照,話自己好攰喎!
吳若希 一向貪靚的她出大騷亦頻以鬆身裙示人。
一向貪靚的她出大騷亦頻以鬆身裙示人。
吳若希 日前母親節,侍母至孝的她,帶埋細佬回娘家與媽媽慶祝。
日前母親節,侍母至孝的她,帶埋細佬回娘家與媽媽慶祝。

吳若希「疫」市派歌有成績 廿四孝老公幫手Plug歌

早於去年暑期飛去台灣錄新歌、拍MV,可惜人算不如天算,吳若希新歌新碟計劃一推再推,今個月終於「疫」市發放〈有位蠢才〉,可幸旋律洗腦啷啷上口,時勢影響亦多了觀眾樂迷留家聽歌睇電視,成績可謂十分亮眼。人人疫市停工居家,吳若希就為宣傳連日出入各大電台和電視城做訪問及錄影節目。記者發現Jinny勤Plug歌,老公Alex比她更勤力,連日現身電視城做柴可夫司機,有時連下午茶、晚餐都在電視城飯堂解決,熟路到當正自己地頭!

吳若希 囡囡何姿秋(Giselle)今年3歲,為了給女兒最好的生活及教育,經濟壓力不少。
囡囡何姿秋(Giselle)今年3歲,為了給女兒最好的生活及教育,經濟壓力不少。
吳若希 Alex近月成為電視城常客,日前便見他自出自入熟路到去飯堂搵食。
Alex近月成為電視城常客,日前便見他自出自入熟路到去飯堂搵食。
吳若希出新歌動員全家幫手宣傳,快滿三歲囡囡由吳若希抱住唱〈有位蠢才〉,得意到爆。
吳若希出新歌動員全家幫手宣傳,快滿三歲囡囡由吳若希抱住唱〈有位蠢才〉,得意到爆。

唔再用十哥座駕 新車終於有自己名

出道十年,吳若希言行比食神更難估計。福建出生家境清貧,卻在短短兩年間從400呎公屋搬入何文田豪宅、座架換得密更升級快,架架登記都在頂級富豪名下;與老公Alex 17年高調拍拖高調分手,分手後又失驚無神懷孕復合再結埋婚;與澳門Alex結婚兩年、囡囡Giselle月尾就滿三歲,去年底卻驚爆依然與富豪十哥關係密切,對方親自驅車到電視城接收工搬行李,吳若希面上的興奮笑容更十足懷春少女急不及待甜到漏。

婚前與吳若希關係千絲萬縷的富豪十哥(林棣權),被發現在婚後依然來往密切,去年尾十哥親自駕車等收工,吳若希甜笑的興奮表情與今日見到老公不相伯仲。
婚前與吳若希關係千絲萬縷的富豪十哥(林棣權),被發現在婚後依然來往密切,去年尾十哥親自駕車等收工,吳若希甜笑的興奮表情與今日見到老公不相伯仲。
吳若希結婚前後名字都一直離不開富豪十哥林棣權,林是林裘謀後人,家族是老牌地產發展商,家族經營的聯益建造有限公司在港超過百年歷史。
吳若希結婚前後名字都一直離不開富豪十哥林棣權,林是林裘謀後人,家族是老牌地產發展商,家族經營的聯益建造有限公司在港超過百年歷史。
吳若希 十哥為人豪爽亦交遊廣闊,與圈中多位紅星如張智霖夫婦、郭富城還有伍詠薇夫婦都係老友。
十哥為人豪爽亦交遊廣闊,與圈中多位紅星如張智霖夫婦、郭富城還有伍詠薇夫婦都係老友。
去年吳若希27歲生日派對,一眾老友在祝,新歡舊愛Alex同十哥都同場。
去年吳若希27歲生日派對,一眾老友在祝,新歡舊愛Alex同十哥都同場。

那邊廂被爆婚後密友接收工,呢邊廂愛晒恩愛的Jinny都明顯少了放閃,婚姻生活現危機。老婆交遊廣闊又難捉摸,好彩Alex死心塌地未肯認輸,據知情人士透露,去年報道一出Alex即時勤出招收復失地:「一家人生活重心本來以經商Alex為主,一家三口一直居於澳門,後來Jinny為咗囡囡升學先搬番香港,而Alex為生意故兩邊走,但呢幾個月因為大環境影響生意,Alex聽晒老婆話搬咗大本營番香港。結婚咁多年被人踢爆仲用緊十哥名下車,Alex嗱嗱聲買車,仲要揀七人車,方便老婆開工用,架車登記係Alex公司名,而間公司係Alex同Jinny持有,變相咪就係送新車畀老婆囉,Jinny點會唔冧先?」

之前Alex一直用以接載老婆的黑色車,跟十哥接吳若希放工是同一架車,任由生命中兩個重要男人開同一架車載自己,吳若希對男人果然有一手。
之前Alex一直用以接載老婆的黑色車,跟十哥接吳若希放工是同一架車,任由生命中兩個重要男人開同一架車載自己,吳若希對男人果然有一手。
吳若希連日開工出入電視城,而有她的地方亦見到老公 Alex身影接收工,全新置入新車亦是在兩公婆名下,終於唔係用富豪公司名下登記,Alex振夫綱之作初步成功。
吳若希連日開工出入電視城,而有她的地方亦見到老公 Alex身影接收工,全新置入新車亦是在兩公婆名下,終於唔係用富豪公司名下登記,Alex振夫綱之作初步成功。

重拾恩愛 吳若希轉口風肯追多個

搬屋送車再做埋跟得老公日日管接管送,吳若希接受電台訪問,表面上話對多咗老公對到厭,實情態度與半年前都180度徹底轉變。近來在個人IG做直播、次次梗有老公在左近糖黐豆一樣;日前做Live話嫌棄老公掛住打機,曲線勞役Alex下廚煮宵夜,又突然自爆閨房秘密話老公寧願打機都唔願打X機,其實都係暗示兩公婆閨房趣事多又美滿,另一半根本無此需求。

一向大情大性口沒遮攔,與Alex近月感情有轉機,亦體現在吳若希社交網絡動態上。月初玩直播、背景係Alex入神打機,吳若希突然轉話題自爆夫妻性趣,表面上話老公唔會打X機,實情晒恩愛指另一半無需要自我解決。
一向大情大性口沒遮攔,與Alex近月感情有轉機,亦體現在吳若希社交網絡動態上。月初玩直播、背景係Alex入神打機,吳若希突然轉話題自爆夫妻性趣,表面上話老公唔會打X機,實情晒恩愛指另一半無需要自我解決。
吳若希 失驚無神爆老公秘密,連一齊玩直播嘅老友林盛斌都O晒嘴唔識畀反應,網友亦一片嘩然話兒童不宜。
失驚無神爆老公秘密,連一齊玩直播嘅老友林盛斌都O晒嘴唔識畀反應,網友亦一片嘩然話兒童不宜。
吳若希 呢頭爆完閨房性事,嗰頭又當眾表演御夫有術,成功馴服Alex放下遊戲機入廚煮宵夜。
呢頭爆完閨房性事,嗰頭又當眾表演御夫有術,成功馴服Alex放下遊戲機入廚煮宵夜。

連被記者問幾時追多個,吳若希都從生完Giselle怨聲載道嫌一孕蠢三年、又推卻無計劃無需求,到日前去電台錄節目推新歌,轉口風話順其自然又嫌老公唔勤力:「其實都有諗過,都有計劃,囡囡都想要個妹妹,但呢啲可遇不可求,所以順其自然。(係兩公婆努力緊?)唔知係唔係算努力啦,總之係正常生活囉!」言下之意即是夫妻感情大進、房事頻率正常,睇怕好快有機會再報喜!Alex成功化解婚姻危機可記一功!

本來放閃 Po買少見少,近月 Alex勤出招後,吳若希態度亦有所不同,日前 Alex生日兩公婆便齊齊出 Po慶賀。
本來放閃 Po買少見少,近月 Alex勤出招後,吳若希態度亦有所不同,日前 Alex生日兩公婆便齊齊出 Po慶賀。
不過相比之下吳若希祝願說話極行貨,Alex就晒埋合照多謝老婆。
不過相比之下吳若希祝願說話極行貨,Alex就晒埋合照多謝老婆。
吳若希 而 Alex事後發表長文,極有心機加入老婆歷年主唱歌曲的歌名順手示愛,冧爆啦!
而 Alex事後發表長文,極有心機加入老婆歷年主唱歌曲的歌名順手示愛,冧爆啦!
吳若希 更自爆雖然生日蛋糕係囡囡食淨半件咁大把,依然覺得平淡中見幸福。
更自爆雖然生日蛋糕係囡囡食淨半件咁大把,依然覺得平淡中見幸福。
結識 Alex後迅即奉女成婚,雖然另一半係洋酒代理、團購老闆又入股眼鏡名牌身家豐厚,不過一直擔起外家生活重擔的吳若希始終放心不下媽媽和還就學的弟弟,所以產後復工、與富豪世叔伯依然來往,都係為頭家。
結識 Alex後迅即奉女成婚,雖然另一半係洋酒代理、團購老闆又入股眼鏡名牌身家豐厚,不過一直擔起外家生活重擔的吳若希始終放心不下媽媽和還就學的弟弟,所以產後復工、與富豪世叔伯依然來往,都係為頭家。