吳鎮宇慶祝兒子10歲生日 《復仇者》大蛋糕贈Feynman
日前是Feynman的10歲生日，吳鎮宇特地為他舉行了一個盛大的生日會，眼見兒子由當初的稚氣模樣慢慢長大成人，令吳鎮宇也忍不住感嘆：又大一歲了。
編輯：東方新地 ｜原文：CMY、Sundaykiss｜圖片：新傳媒圖片、吳鎮宇微博
吳鎮宇慶祝兒子10歲生日 《復仇者》大蛋糕贈Feynman
打從Feynmen在《爸爸去哪兒2》亮相後，深得觀眾們的喜愛，可是自從Feynman在節目中不幸受傷後，吳鎮宇已經減少Feynman在幕前的演出，令不少觀眾都大感可惜。不過適逢Feynman 10歲生日，吳鎮宇就在微博上Po出幾張生日會的相片，見Feynman已經褪去稚氣，發福了不少，就知他現時生活得非常開心。
在相中見到Feynman的生日蛋糕上，印有是模仿《復仇者聯盟》電影海報，但所有超級英雄的臉則換成了Feynman的樣子，相信Feynman必定是《復仇者聯盟》的超級Fans！而當日有份參加生日會的小朋友，同樣穿上印有同款圖案的T-shirt，相當逗趣！
吳鎮宇告《爸爸去哪兒》製作單位致兒子永久傷害
吳鎮宇跟Feynman參與《爸爸去哪兒2》的製作，當時只有7歲的Feynman拍攝期間被其他小孩推倒落地，眼角需縫5針，視力永久受損。吳鎮宇起初不打算追究事件，但不憤製作單位對事件不聞不問，最後告上法庭。
吳鎮宇曾在記者面前憶想意外發生的場面：「那是我聽過Feynman最慘的叫聲，平時囝囝跌倒都沒有聲音，唯獨這次叫得很慘，我真的不想記起…」
吳鎮宇帶Feynman到孟加拉 了解失明孩子的生活悲哀
在兩年前的復活節假期，吳鎮宇帶着當時只有8歲的Feynman遠赴孟加拉一些落後醫院和鄉村家庭，為的是探訪當地患有眼疾的初生嬰兒和失明小朋友，為慈善活動出心出力。
二人在香港出發，隨奧比斯團隊，遠赴孟加拉的鄉村地帶，到當地鄉村家庭和落後醫院進行一連串探訪，久未露面的Feynman愈大愈似爸爸，而且發福了不少。
一向重視身教的鎮宇，相信讀萬卷書不如行萬里路，選擇帶Feynman看另一個世界，他解釋：「父在做，子在看。如果父母願意幫助別人，做有意義的事，小朋友一定會明白及學習的。而且我一直覺得，能在艱難環境中生存的人，擁有最強的生命力，好像街童和蟑螂一樣！自己復活節其實有電影工作在身，但堅持帶Feynman到貧窮的孟加拉村落，幫助奧比斯有意義的工作，我希望Feynman見識落後地區人性的光明一面，從中學會獨立，並為有需要的人伸出援手。」
首次參與「救盲之旅」的鎮宇，坦言今次的出發心情非常特別：「Feynman雖然和我一起出遊過很多次，但從未試過一齊入醫院看手術，或者探訪失明人的貧困家庭。因此我在出發前亦做了少許功課，知道當地很多小朋友因為白內障失明，而且求醫也絕不容易。我將這些資訊，一一向Feynman講解，希望他明白今次絕不是一般的旅行，而是非常難得的體驗，讓他可以親身了解失明人的困境。」
為氹兒子學空手道 吳鎮宇：學完有雪糕食！
吳鎮宇以嘉賓身份為ViuTV節目《大星講》錄影，提到主演的電影《逆流大叔》票房報捷，鎮宇笑指是比上不足比下有餘。對於導演有意原班人馬開拍另一故事，佢話會支持但一定唔會拍續集，指《逆》片已經不能再延續，等有新劇本後再考慮！
吳鎮宇坦言每年中秋節都會留港跟家人團圓：「中秋、過冬、年三十都會跟家人過」，他又笑言現在過節不像自己以前在屋企跟一大班人玩燈籠般熱鬧，不過他會向兒子Feynman灌輸一些傳統節日的慨念，而兒子也會應節跟小朋友玩一玩。
提到兒子開學了，他笑言不會管著兒子的功課進度：「因為管了也沒用」。
鎮宇透露早前放咗幾日假充電，同囝囝Feynman一齊學音樂，而太太為囝囝報讀空手道班，希望讓囝囝學習和其他小朋友相處，學習武德。問到可有和囝囝對打？鎮宇笑說：「我一隻手就搞掂他，希望他有興趣繼續學，可能學完之後有雪糕食，他才繼續。（之前不是要囝囝減肥嗎？）一杯雪糕不會胖很多，雪糕是令他有動力去學習，減肥很容易，但精神層面一定要培養，良好的運動精神會令人質地更好。」
吳鎮宇 訓練阿仔獨立
近日有份主演的電影《逆流大叔》上映，吳鎮宇四出宣傳，早前到奧海城出席活動，太太王麗萍就帶埋九歲兒子Feynman低調捧場。相比14年拍《爸爸去哪兒2》，Feynman身形明顯大不同，昔日清秀輪廓變得圓碌碌好飽滿，睇落相當可愛，原來發育階段的Feynman食量驚人，平日嚴肅cool爆的鎮宇，亦曾幽默笑兒子肥到冇頸似雪人：「佢一個人可以食兩人份量，可以食晒成碟意粉同差唔多成罐午餐肉，打機時佢又縮埋條頸，我諗我要帶佢去睇骨科醫生，將條頸拉番出嚟！」
一直極之重視私隱的吳鎮宇，四年前首度畀兒子萌樣曝光，父子檔參演湖南衛視真人騷《爸爸去哪兒2》，據知情者透露，鎮宇同老婆王麗萍本身非常低調，被打動全因想給兒子留一個珍貴回憶：「咪睇鎮宇好似好嚴好惡，其實佢教仔持開放態度，佢畀好大自由度個仔，唔會迫個仔死讀書，但佢好想訓練個仔快啲獨立，佢成日話，個仔18歲嗰時，佢都快到70歲，怕自己照顧唔到個仔咁耐，所以好想個仔學會獨立，學會面對困難，所以嗰時先肯接拍親子騷;嗰次佢兩父子去咗好多地方拍攝，一齊去體驗同經歷，令佢對個仔性格了解多咗，亦想畀個仔留一個紀念，將來大個可以睇番！」
拍真人騷出意外
活潑的Feynman，亦因《爸爸2》火速爆紅，轉眼四年，原來近日再有內地親子騷力邀鎮宇父子檔回歸，不過，自從上次拍真人騷出了意外，兒子撞傷眼角受傷，留有永久性疤痕，鎮宇嫂已下令推拍。據知情者透露：「嗰次拍真人騷個仔撞咗落樓梯，撞傷眼角要入醫院縫針，鎮宇同老婆好擔心，雖然個仔最後堅強完成餘下拍攝，但返香港治療，知道係永久性創傷，連視力都有機會受影響，鎮宇真係好心痛，嗰時仲一度搵唔到製作組，冇人肯承擔責任，搞到兩公婆好勞氣，個仔又要捱苦，所以吳太已經講明，以後都唔會畀個仔再拍呢類真人騷！」
體驗自己工作
外表火爆的鎮宇，原來教仔好有心思，更明白身教最重要，除了拍《爸爸去哪兒2》，16年他亦讓兒子客串電影《脫皮爸爸》，還有由他自導自演的電影《費曼的夏天》，更同兒子父子檔做男主角，就是想兒子可體驗他的工作。據知情者透露：「以前鎮宇已經成日帶囝囝去片場，就係想阿仔可以體驗自己嘅工作，了解爸爸更多，原來呢個係佢切身感受，細個嘅時候，因為佢爸爸係點心師傅主管，半夜就會返工，佢同爸爸好少時間溝通，但有一次佢跟咗爸爸返酒樓，了解咗爸爸嘅工作性質同環境，知道爸爸有幾忙碌同辛苦，父子反而拉近咗距離。」
鬧市人盯人
近日兒子放暑假，鎮宇拍戲之外亦爭取時間湊仔，日前兩父子鬧市出巡，著住迷彩衫的鎮宇可能怕畀人認到，戴帽又戴口罩將自己包到冚，兒子則似啱啱做完運動，著住短袖T恤後頸上還攝住毛巾吸汗，兩父子一齊行去買珍珠奶茶，九歲的Feynman非常活潑，淘氣得邊行邊跑，搞到鎮宇亦要從後追住個仔，兩父子人群中追逐場面相當溫馨！
買奶茶氹仔
鎮宇曾經大爆兒子鍾意食嘢，經常食晒佢啲點心，更幽默笑兒子肥到似雪人，但對住乖仔又心軟，專登落車只為去買珍珠奶茶氹阿仔！
跑了一輪，鎮宇指示囝囝方向。為免被途人認出，戴帽戴口罩的鎮宇包到冚，同兒子相映成趣。
訓練獨立
入到舖頭，Feynman一馬當先行去買珍珠奶茶，似乎在爸長期訓練下已經非常獨立。
買完嘢飲兩父子一齊行去 街口上車。
低調撐爸爸
早前吳鎮宇為電影《逆流大叔》出席宣傳活動，太太王麗萍帶埋兒子混入人群低調捧場，不過最終都被記者發現，早有過唔少演出經驗的Feynman，面對鏡頭亦表現大方唔太抗拒。
9歲胖嘟嘟
5歲秀氣出位
五歲Feynman首度亮相《爸爸去哪兒2》，外表清秀性格溫柔，火速爆紅吸納唔少粉絲。
太太退出湊仔
本身是新加坡模特兒的鎮宇太太王麗萍，婚後退出幕前專心湊仔，是鎮宇背後賢內助。
上陣不離父子兵
父子檔探訪
鎮宇教仔著重體驗生活，上年就同兒子一齊擔任奧比斯大使，變胖的Feynman睇落更加活潑可愛。
東京宣傳
鎮宇好想兒子體驗其工作，除咗會帶兒子去片場睇拍戲，16年自導自演的《費曼的夏天》就父子檔上陣，後更一齊去東京做宣傳。
連拍二片
先後拍過兩部電影的Feynman，在《脫皮爸爸》演古天樂童年。
吳鎮宇大爆3大箇中因由 胡定欣躍升做電影女主角
胡定欣入行十六年，由公仔箱跳到大銀幕，夥拍吳鎮宇演出電影《逆流大叔》，可謂事業上一個新嘗試。早前，胡定欣與吳鎮宇接受傳媒訪問，吳鎮宇就大爆為何睇中對方做電影女主角的三大原因！
吳鎮宇與胡定欣結緣是由拍《衝上雲霄》時開始時結緣的，據知，當年胡定欣面對已是影帝級人物的吳鎮宇一啲緊張的表現都沒有。相反，他們更有講有笑，胡定欣更指Cool Cool地的吳鎮宇只是他的性格，所以並唔怕對方，只是吳鎮宇認為她會被自己影帝的氣場嚇怕。
由小熒幕跳到大銀幕「升呢」做電影女主角，定欣於電影中飾演一名育有十五歲女兒的單親媽媽，與鎮宇哥有感情線，她則表示很開心可以拍電影，當時一收到電話就二話不說答應。
定欣馬上答應的原因除了因為對電影世界的期待外，更自爆是出於對吳鎮宇的信心！皆因今次做電影女主角原來是由吳鎮宇推薦她演出！
至於點解拚胡定欣做女主角，吳鎮宇則指當時開會選角就苦惱可以找甚麼人，所以他先收窄範圍，以最好搵一個未拍過電影、要有觀眾認識、仲要唔怕他知他脾性的演員，因而想起定欣！
將來還有什麼演唱會值得留意？
有不少歌手宣布舉辦演唱會，小編為你整合了2023香港演唱會+搶飛攻略一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！
