周柏豪

街頭大戰 打到飛起|周柏豪 好揪得!

最新娛聞

廣告

唱而優則視,去年轉會唱片公司,周柏豪拍完《使徒行者2》之後,家陣就拍緊新劇《多功能老婆》,有埋千嬅更加吸引,各位粉絲未有得睇劇住,都可以出街碰吓運氣,因為成班演員呢期拍緊外景趕緊工㗎!日前銅鑼灣街頭又見到大陣仗外景隊,周柏豪、黃嘉樂同吳若希都有份!

撰文:東方新地|圖片:新傳媒圖片庫、周柏豪IG

周柏豪拳拳到肉

呢頭笑笑口同記者say完Hello,嗰頭就見柏豪青筋畢現緊握拳頭,原來要同黃嘉樂拍街頭打鬥戲。第一次出拳武師似乎唔多收貨,由出手、用力至畀反應,再細細指點柏豪多一次,柏豪企定定留心武師示範。

咁又係,平時唱得歌多、做慣情歌王子嘛,打戲本來唔係佢強項,好彩柏豪悟性高又專心,對準黃嘉樂拳拳到肉,打到對方飛起,就咁第二個take當堂神似好多,搞掂,收工!

為無綫拍的第二套劇《多功能老婆》在銅鑼灣拍外景,男神周柏豪離遠已經見到記者,仲笑笑口打招呼。

呢頭Say完Hi、又同黃嘉樂有講有笑,嗰頭劇情講到佢出拳要打人,肉緊柏豪打到青筋都爆晒出嚟。

黃嘉樂被周柏豪打到跌落地,柏豪唔停手,拳打再腳踢!

試完一個take,武指認為仲有得改善,柏豪專心聽書,同場有戲份的吳若希都企埋一齊偷吓師。

青筋暴現

柏豪好揪得,揮拳時青筋暴現,打到似層層!

黃嘉樂還拖,雖然借位拍攝,但柏豪個反應同表情就交足戲,唔係現場見到,真係以為柏豪俾嘉樂打到有內傷!

手瓜爆青筋!

#多功能老婆 拍攝進行中
PAKHO CHAU | 周柏豪 | PUNKHIPPIE(@punkhippie)分享的貼文 於 張貼

繼續拍攝 #多功能老婆
PAKHO CHAU | 周柏豪 | PUNKHIPPIE(@punkhippie)分享的貼文 於 張貼

#多功能老婆
PAKHO CHAU | 周柏豪 | PUNKHIPPIE(@punkhippie)分享的貼文 於 張貼

周柏豪不為人知的一面

周柏豪早前出席化妝品牌活動時,被問到於現實生活中不為人知的一面,他表示自己日常是宅男一個,但有時會有大男人的表現,特別在做決定時,會爭住話事。

其後,提到自己首次拍化妝品廣告,連最初到拍攝現場,拿起唇膏也有點手忙腳亂,不知道如何擺姿勢,只好向同場的Sammi及超蓮偷師。

周柏豪爆超蓮多人追

當問及柏豪有冇好男仔介紹給同場的超蓮時,他竟然大爆超蓮身邊不乏筍盤之餘,亦曾見超蓮之前的生日會中有不少男性朋友,認為對方比較需要煩該揀邊位男士做男朋友的問題。

其後,柏豪乘機幫超蓮開設的食店宣傳,指自己好欣賞識做生意的女仔,大讚超蓮舖頭的食物好食之外,招呼亦好好,仲笑指要大小姐親自拎碗麵給他。

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!