唐詩詠公然踩李佳芯台慶晚裝裙? 巴打：講番中文啦！
唐詩詠公然踩李佳芯台慶晚裝裙?
話說台慶當晚個個女藝人都著到靚一靚出席，而事後Ali亦喺個人社交網上載自己台慶靚裙相，著上白紗Tube款長裙嘅Ali明明就仙氣逼人！
點知唐詩詠竟然喺下面留言「Ho Leung」，唔通係想指Ali BB好娘？
無心之失？
不過相信唐詩詠都係無心之失手快將好靚（Ho Leng）打錯做「Ho Leung」，所以先會引來大家誤會！
有巴打講笑話可能唐詩詠講開圍頭話，不過都有網民勸佢打返中文啦，如果唔係有咩誤會就唔好啦…
TVB女星台慶各出奇謀搶鏡
朱晨麗以一字膊閃片長裙登場，高貴大方！
陳煒以一身蕾絲超DEEP V紅色晚裝上陣，由頭透視到腳示人，夠哂搶鏡兼性感！
人妻王君馨同樣以Deep V上陣，晒弗到漏身材！
唐詩詠以寶藍色低胸晚裝微露事業線出席台慶，激罕谷胸上陣！
黃心穎唔行性感勁保守又封胸，不過勝在由頭銀到落腳，閃爆全場！
高海寧都一樣非常密實！
姚子羚大騷白滑玉背，好正呀！
胡定欣以透視仙氣造型配400萬首飾出場，相當搶鏡！
黃翠如以一字膊上陣，望落非常醒神！
黃智雯身穿白色Deep V露背晚裝出場，都好養眼！
講到全場最性感就一定非馮盈盈莫屬，件衫側邊睇落完全真空，性感冠絕眾女藝人，真係乜鏡都畀佢搶晒！馮盈盈仲透露為咗美感同線條連條底褲都除咗，堅係全真空！
今晚司儀之一嘅麥明詩就中門大開，都好吸睛！
靚湯則又靚又性感，谷胸勁搶鏡！
傅嘉莉以紅色超Deep V出場，同樣好「胸」狠！
人妻孫慧雪同樣以紅色晚裝現身，晒出巨胸，夠哂賞心悅目！
邵珮詩大晒八字波，雖然加咗層薄紗，但依然勁性感！
伍樂怡條事業線谷到上心口！
劉穎鏇著上性感透視晚裝現身，風騷大晒玉背！
劉佩玥都唔輸蝕，同樣騷出玉背，相當養眼！
「得罪造型師」系列
陳瀅著上低胸紫裙出擊，可惜望落毫無美感，身形因條裙個cutting問題而盡失！
雖然吳沚默騷腳都幾好睇，但可惜成條裙個感覺好似馬戲團表演者多啲！
至於蝦頭造型就更嚇人，成個look望落勁錯配，猶如大媽上身！
