唐詩詠 田蕊妮

早過杜汶澤!唐詩詠 第一個為田蕊妮慶生

最新娛聞

廣告

田蕊妮今個月28號就滿41歲啦!好閨密唐詩詠日前就提早為阿田慶生,兩人喺社交上狂晒姊妹情,阿田仲好感動咁話呢個係佢今年收嘅第一個生日蛋糕,咁咪仲早過阿田老公杜汶澤幫佢慶祝?

撰文:東方新地|圖片:新傳媒圖片、Facebook、Instagram

唐詩詠:係愛嚟㗎

37歲唐詩詠同阿田自09年拍《Only You 只有您》認識,11年拍《造王者》日對夜對四個月,更令佢哋變成好閨密。日前唐詩詠提早為阿田慶祝41歲生日,阿田仲獲唐詩詠送上「肉咀」,佢感性表示:「有人問點解你地 (哋) 兩個會咁好嘅?我地(哋)二 (異) 口同聲話緣分囉!我地(哋)因拍劇相識,之後事無大小佢都會同我分享,佢唔開心嘅時候,我會擔心佢。佢開心嘅時候,我會戥佢高興。佢會問我好多問題,有時我會懷疑自己額頭係咪寫咗詢問處呢三個字!哈哈!但係當佢有幾日無揾我,無問我嘢我又會好掛住佢!多謝你提前幫我慶祝生日,這是我今年第一個蛋糕,希望我地大家都健康幸福。I love u!」

對於阿田嘅「詢問處」之言,唐詩詠忍唔住撒嬌話:「我愛你嘛!」阿田亦回應:「love u too la」好有愛!

今年初唐詩詠升呢視后,在台上喊住講:「我要多謝一個人,佢教我做戲、做人,成日聽我呻又陪我瞓,每次鬧完我之後都話我『其實你好好㗎』!多謝你,田蕊妮小姐!」

今次唐詩詠喺IG晒出兩人嘅慶生相時,亦有留言再提到「陪瞓陪呻」一事:「田大小姐生日快樂,我祝你快D甩難,唔洗 (使) 再陪我瞓同聽我呻,但係問問題呢方面真係冇辨法,你已經成為我最重要嘅人,事務 (無) 大小我都一定要同你講先得嘅,我一定要尊重你嘅!」獲阿田搞笑回應:「我可以淨係陪你瞓!」

之後兩人繼續喺FB狂晒姊妹情,唐詩詠仲留言話兩人之間:「係愛嚟㗎!」So sweet!

圈中人緣勁好嘅田蕊妮仲分別獲薜凱琪、陳山聰、黃翠如、傅嘉莉、溫家偉、楊潮凱、黎芷珊等人喺IG送上祝福。

有網友搞笑話有好多嘢想問田蕊妮呢個「詢問處」,阿田亦逐一幽默回覆:「係咪想問有無免費泊車?」

何遠東話近排身心靈皆極之好,要將「詢問」quota留番下次用,阿田就回應:「戥你高興!」

田 蕊妮(@tinyuilee)分享的貼文 張貼

Natalie 唐詩詠(@natalietong53)分享的貼文 張貼

Natalie 唐詩詠(@natalietong53)分享的貼文 張貼

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!