阿媽自細教落 吃蝦要男人剝！大S徐熙媛：冇人剝唔食
撰文：東方新地 ｜圖片：新傳媒圖片、大S Facebook、《幸福三重奏》截圖
大S 閃嫁「京城四少」
徐熙媛(大S)跟「京城四少」之一的汪小菲於2010年註冊結婚，成為幸福闊太；他們只見面4次就閃婚，更一度成為熱話。
汪小菲現為自己創辦的和麟置地董事長。2012年亦創建合潤麟（北京）食品有限公司，出任董事長。汪小菲領導創建了俏江南旗下另外兩大品牌，針對頂級商務人士的高檔奢華會所「蘭會所」，和針對年輕時尚人群的頂級時尚概念品牌餐廳「SUBU」等。
大S和汪小菲2010年結婚，二人婚後十分恩愛，經常在微博公開放閃。大S在2014年誕下女兒汪希玥、兩年後再誕下兒子汪希箖，今年4月承認陀第三胎，不過個多月後，大S發聲明表示因為胚胎「發育不全」，她和家人商量後，決定終止懷孕，幸而丈夫細心照料，大S很快走出小產陰霾。
大女是「Mini版杉菜」
汪小菲早前罕有在社交網上載了四歲大女汪希玥的正面相，並留言：「玥兒的小夥伴叫小米，玥兒長大了，她們還是好朋友。」有網民將小玥兒與當年大S演出角色「杉菜」的相片作對比，原來兩母女五官及神情勁相似，是「Mini版杉菜」！
大S去年都罕有PO囝囝汪希箖嘅相出嚟，仲留言話：「僅此一次！我的白馬王子！長大不給看了！ 」希箖笑瞇瞇食手仔，勁可愛！
大S
喺近期播出嘅《幸福三重奏》節目中，大S聽到日本乒乓球國寶福原愛為台灣乒乓球選手老公江宏傑剝蝦時，即場露出驚訝的表情。之後對方問佢食唔食蝦，大S話唔食，對方問係咪覺得麻煩，大S佢道出當中嘅原因：「從小到大，都是我爸幫我剝蝦殼，我爸不在之後，我就不吃了。」
大S續說，徐媽媽曾經同佢講過：「吃蝦一定要男人幫你剝！」因此婚後汪小菲冇幫佢剝蝦殼，佢都唔會主動話要食蝦。
大S吃蝦論一出，除了丈夫汪小菲露出驚訝嘅神情，其餘在場嘅2位老公，包括江宏傑、陳建斌都無言，唔知畀咩反應好喇！
人妻們就話叫男士學嘢，結果男子組都提起精神幫老婆剝蝦殼，江宏傑仲係咁爭住幫老婆剝蝦殼仲餵食埋，大家都忍唔信笑！
細心？公主病？
大S「剝蝦論」一出，網民反應不一，有女生話另一半都經常給自己剝蝦殼，因為對方怕蝦殼拮到女友嘅手才會幫忙，這是細心的表現！但也有男、女生大唱反調，指要另一半剝蝦殼才肯吃是有「公主病」。大S回應「公主病」之說，話自己唔係特別愛吃蝦，而且剝唔剝都冇所謂，反正 可以讓老公有多一個方法去寵愛佢！
對於有網友留言指大S拒剝蝦殼有點造作，指兒時爸爸剝正常，長大了自己冇理由不懂剝。有網友為大S平反，指出她在節目中都表明情願唔吃蝦，也不會主動要求丈夫為自己剝蝦殼，大S回應話「你懂我」！
