譚俊彥

首次擔正無綫劇 《天命》| 譚俊彥孖狄龍大晒父子情

最新娛聞

廣告

狄龍(原名譚富榮)兒子譚俊彥子承父業同樣都係做演員,但一直被指知名度不及狄龍,不過,自前年佢加入無綫,即套套劇都孭重飛,一連主演《天命》、《特技人》、《包青天之再起風雲》等劇,其中《天命》安排於下周一(6月25日)開播!譚俊彥在劇中拍住視帝陳展鵬,飾演「嘉慶帝」,入唔入到屋就睇呢鋪,梗係要爭取多啲曝光率做宣傳,日前譚俊彥就孖住爸爸狄龍一齊拍攝父親節特輯《爸爸的告白》,狂晒父子情!

撰文:東方新地|圖片:新傳媒圖片庫、譚俊彥IG譚俊彥微博

譚俊彥 《天命》做皇帝

譚俊彥在新劇《天命》飾演「嘉慶帝」,將會同陳展鵬飾演嘅「和坤」展開一場生死惡鬥。

譚俊彥

《天命》分別於北京及橫店拍攝外景,風格嚴肅悲情,別開一格。

譚俊彥

#天命
Shaun Tam(@tammerz)分享的貼文 於 張貼

入行18年

現年37歲嘅譚俊彥自2000年加入爾冬陞旗下入行,拍咗套梅䒐芳主演嘅《慌心假期》,之後拍過《男人四十》、《少年阿虎》等電影,都只係做大茄。

譚俊彥
在電影《男人四十》中林嘉欣與張學友玩師生戀,譚俊彥卻是張學友老婆梅艷芳為當年老師所生的兒子。
譚俊彥
在《少年阿虎》中譚俊彥曾夥拍F4的吳建豪,仲有當年尚未被封為「渣男」的周永恒。

03年譚俊彥轉戰內地,拍過林峯主演嘅古裝劇《陸小鳳與花滿樓》,以及劉愷威主演嘅《抓住彩虹的男人》等,但大家提起佢,仍然只記得係「狄龍個仔」。

譚俊彥
譚俊彥曾在內地劇《陸小鳳與花滿樓》中飾演劍癡西門吹雪。
譚俊彥
2011年,譚俊彥曾為Now拍節目《一個地球——內蒙篇》狂晒肌。

2015年,譚俊彥內地女演員任祉妍,同年誕下大女譚晴(Renee),去年再誕細仔譚杺(Rex),湊夠一個「好」字。

譚俊彥
左一為太太任祉妍。
譚俊彥
三代同堂。

2018 with ❤
Shaun Tam(@tammerz)分享的貼文 於 張貼

狄龍都有幫手湊寶貝孫!

Shaun Tam(@tammerz)分享的貼文 張貼

為家人回流香港

2016年譚俊彥由內地回流香港,簽約無綫做親生仔,佢話最大原因係想有更多時間陪屋企人:「我想陪多啲家人,尤其個女(譚晴),嗰陣(2015年)佢出世冇耐,我就即刻去咗開工,覺得欠咗佢哋好多,同埋我個女喺香港出世,所以想多啲時間喺香港,呢度就算我開到幾點,我都可以攬住佢,同佢哋多咗相處時間,呢樣係大陸拍劇,就算幾多錢都賺唔到。」

Shaun Tam(@tammerz)分享的貼文 張貼

譚俊彥
年輕時的狄龍與兒子譚俊彥。
譚俊彥
少年時期的譚俊彥,竟然似劉愷威多過似阿爸狄龍!
譚俊彥
大個仔嘅譚俊彥個樣成熟咗,佬味更濃,著起古裝個樣開始有幾分似當年狄龍嘅大俠之風!

百厭仔被罰困狗籠

上周日(6月17日)趁住父親節,譚俊彥孖父親狄龍上節目《爸爸的告白》互訴父子情,講到小時候譚俊彥因太百厭被狄龍罰困狗籠,譚俊彥話當年佢同隻都柏文困埋一齊,驚到發燒,而狄龍就指呢件事亦係佢心中嘅一道疤痕,更向譚俊彥道歉謂︰「係爸爸唔啱!其實我後來都了解到用呢類壓力式方法去改變一個人,只會令佢驚,但唔會令佢了解到事情嘅真相。」兩父子借機冰釋前嫌。

譚俊彥

譚俊彥仲喺節目中親自下廚,為老婆同一對仔女煮牛扒同麵食做晚餐,十足住家好男人!

譚俊彥

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!