天文台肉麻語錄 網友：點解冇黃雨水浸？
撰文：東方新地｜圖片：fb天文台專頁截圖、電視截圖、劇照
天文台肉麻語錄
天文台喺Facebook專頁設計咗8位天氣家族成員，包括太陽小子、雲寶寶、清風姐姐、雨點BB、雷電仔仔、紫外妹妹、寵物霧及度天隊長，而每個成員都有自己嘅示愛語錄！
除了「雲寶寶」之外，還有「雷電仔仔」的「當你需要我嘅時候，未聽到聲，我已經會嚟到你身邊」，就提醒市民如果幾乎同時看到閃電並聽到雷聲，代表雷暴距離很近，要即時找安全地方暫避
「為咗你，我可以將我嘅脾氣由颶風降至暴風。」看罷金句後點擊延伸閱讀連結，就可看到十九世紀初沿用至今的「蒲福氏風級」係乜。
「雲寶寶」的一句「雲有十『屬』，但我只『屬』於你」，就雲原來可以被分成10個種類。
「度天隊長」擺出愛心手勢！
至於「太陽小子」的一句「如果係都要將呢份愛限制喺一個距離……我希望係超過太陽距離地球嘅一億五千萬公里」，就讓市民知道1.5億公里，又叫「一個天文單位」。
愛你一萬年
連周星馳喺《西遊記大結局之仙履奇緣》嘅對白：「曾經有至真嘅愛情擺喺我面前，我無珍惜，等無咗嘅時候，先至後悔莫及，塵世間最痛苦莫過於此。如果個天可以畀個機會我返轉頭嘅話，我會同個女仔講三個字：『我愛你』。如果係都要喺呢份愛加上一個期限，我希望係一萬年。」都玩埋，難怪有網友都讚天文台識玩social media，今次都夠貼地！
網友點睇？
雖然天文台久唔久就畀人插，話天氣預報唔多準、風球掛得早、掛得遲呀咁，不過今次嘅肉麻語錄帖文發表後都吸到三千多個讚好同心心，反應唔錯呀！有唔少人讚有趣，用了最簡單方法令人明白氣象知識，抵讚咁話。
不過都不乏網友問點解冇「黃雨水浸」……
將來還有什麼演唱會值得留意？
有不少歌手宣布舉辦演唱會，小編為你整合了2023香港演唱會+搶飛攻略一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！
