【鐵探】好戲唔怕劇透 姜皓文：Bingo今晚大結局！

撰文：東方新地 圖片：電視截圖、Rolling Stars Workshop

姜皓文：Bingo今晚大結局

黑仔在社交平台貼上其黑白劇照，留言：「今晚⋯Bingo 與萬晞華終於有個了斷⋯⋯『用所有人都覺得錯的方法，去做自己覺得對的事，這樣的人會有什麼下場呢⋯⋯』 #我係兵定賊你分到咩 #PC38451 #卧底 #Bingo #鐵探 #結局篇 #游秉高」。

好戲可以重覆再睇

此外大馬度假的姜皓文自拍短片放上交社平台，他說：「今晩是我Bingo的大結局喇，大家會不會留在電視禨旁邊睇Bingo的下場？」黑仔又話《鐵探》一早被劇透，但覺得故事吸引無懼劇透：「其實我覺得一部好戲、好的劇集，不會怕劇透，甚至乎覺得可以重覆睇好多次，如果個結局是好，大家都會想睇多次。今次給我好大的滿足感，我自己很久耐沒演電視劇，遇到一個咁好的角色，真是好幸運！」黑仔又提到有人問佢Bingo會否開拍《鐵探》續集、外傳甚至電影版，佢就咁講：「Bingo帶給我好多回憶，不過這全部都是未知之數，但無論如何好多謝大家，希望將來可以再在螢光幕同大家見面！」

黑仔對《鐵探》劇透現身說法：

劇透慎入！Bingo爆殺死洪永城終極真兇

今晚播出一集就講到Bingo臨死前大爆殺死Madam Man大仔邱Sir（洪永城飾）嘅終極真兇姜皓文！故事講到Madam Man親自從醫院押送Bingo返拘押所，想利用Bingo引出營長，期間Bingo決定將Madam Man嘅秘密話俾在場嘅伍Sir（陳志健飾）知！

原來Madam Man大仔邱Sir（洪永城飾）三年前去拯救快活谷時，Bingo同樣喺現場並曾希望營救邱Sir，點知卻遭Madam Man阻止！換言之，真正殺死邱Sir嘅人反而係自己親生媽媽！

當Bingo講出所有事實真相後，Madam Man更即命狙擊手開槍殺死Bingo，而Madam Man忠僕伍Sir得知真相後亦不惜捨身幫Bingo擋槍！可惜，最終都未能救對方一命….