陳展鵬

娘招冧胡定欣 陳展鵬閃電求婚

最新娛聞

廣告

被封為城中筍盤的 陳展鵬 自2011年與亞姐姚佳雯分手後,終於搵到「真命天女」胡定欣,原來兩人已秘密撻著3個月。不過拍拖冇乜經驗的煎pang,冧女招數都老土過人!佢不時以鄭秀文情歌憑歌寄意、送上陪瞓公仔,近日又送上跟自己同款的戒指訂情!雖然有啲娘,不過最緊要受,所以煎pang已經順住個勢向定欣求婚。下個月就踏入4字頭嘅煎pang雖然想盡快結婚,不過一切都要等女方的答案。如果定欣say yes,佢哋極大有機會成為2017年第一pair公布喜事的情侶!

 

延伸閱讀︰

記招甜笑不停 待嫁岑麗香預告童話婚禮

林峯吳千語都抱過 星戰小妹妹大有來頭

送情侶訂情戒指

煎pang心急結婚生仔,遇到恨嫁定欣,可謂一拍即合,煎pang亦認定對方並已經求婚。最近定欣手上經常戴著一隻好rock的粗銀戒指,與平日女人味的裝扮完全唔夾,望真啲,原來戒指係來自煎pang最愛的潮牌Chrome Hearts。煎pang平日基本上由帽、上衣、太陽眼鏡至飾物耳環、戒指全身都是該品牌,就知佢平時有幾專一,難怪定欣肯為煎pang送的訂情戒指而轉style啦!

自度過時冧女招

雖然被喻為鑽石級盛男,但其實陳展鵬為人老實又有少少老土,平時出沒的地方就只有電視城同高爾夫球場,好友仲要係清一色全男班,唔怪得氹女招數都娘過人。除了送情侶戒指之外,煎pang仲不時憑歌寄意,竟然send埋啲鄭秀文八、九十年代的經典情歌歌詞俾Big Bang狂迷定欣。雖然橋就舊咗少少,不過見定欣喺instagram分享咗鄭秀文嘅歌,就知道熱戀中的女人咩都冧啦!

忽然活躍於社交平台

以前煎pang其實好少玩instagram,但係自從兩人撻着後,佢喺社交平台的活躍程度突然飆升,就算幾忙都會update吓,仲要大部分相都有定欣㖭!平時形象man爆嘅佢,為咗女友仲肯扮cute,就知佢有幾珍惜呢段關係啦!

Ready結婚恨生B

正值適婚年齡的煎pang是一個傳統男人,加上阿媽同fans都開始催婚,令佢想盡快成家立室。近年做訪問時,佢不時都透露只要遇到適合的對象,就會隨時結婚生仔。加上煎pang同定欣兩人都在電視圈已經捱咗多年,今年終於憑《城寨英雄》成視帝視后大熱,如果到時兩人真係以情侶檔得獎,好有機會會宣布埋結婚嘅消息,到時真係雙喜臨門!

全文完

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!