官恩娜有仔萬事足 晒萌爆囝囝出浴照

官恩娜有仔萬事足 晒萌爆囝囝出浴照

最新娛聞

廣告

官恩娜(Ella)自從生咗BB之後已經淡出樂壇差唔多一年,但佢都仍然會繼續同粉絲分享佢嘅日常生活。呢日佢就喺Instagram上傳咗囝囝洗白白嘅片段,雖然只係短短十幾秒,但已經睇得出佢大個之後將成為一個非常活潑好動嘅小朋友!

延伸閱讀︰

《嘩鬼上學去之農夫篇》五大爆笑位

邊個話有錢仔唔捱得? 霍啟剛真人騷撐足10集奪冠

呢條片放咗出嚟只係短短三個鐘,已經有超過一萬五千個觀看次數。片段入面Ella囝囝沖涼嘅時候,一邊玩水,一邊玩玩具,仲要不停轉pose,真係好cute呀!

作為一個全職媽媽,Ella當然乜嘢都係以囝囝為先。所以佢平時分享嘅嘢,九成都同囝囝有關。早排佢就餵香蕉畀囝囝食,點知囝囝見到之後出乎意料之外咁講咗句「Banana」,令Ella興奮到傻咗,即刻同全世界分享呢件事。

「有仔萬事足」嘅佢,去到邊都會帶埋囝囝,不論喺去超市丶沙灘定騎馬,就算喺屋企兩母子都形影不離!不過俗語有話:「養兒一百歲,長憂九十九。」有時Ella見到仔仔爬上爬下,就會諗定第時會帶佢去學體操;見到仔仔已經學識行路,就覺得佢大得太快,雖然好唔捨得,不過Ella就話陪住佢健康快樂咁成長就足夠。

Ella結婚之後同老公已經恩愛到爆,宜家加埋囝囝,一家三口同埋狗狗幸福指數直頭爆燈呀!以後繼續晒多啲幸福啦~

全文完

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!