家庭照曝光 宋仲基似爸爸最靚仔

30歲宋仲基憑劇集《太陽的後裔》而人氣急升，有網民搵番其陳年家庭照，左起為妹妹宋瑟琪、哥哥宋承基、媽媽同爸爸及宋仲基，妹妹比宋仲基細7歲，獨自到加拿大讀書。2010年時，宋仲基拍節目《出發夢之隊》而飛去加拿大溫哥華錄影，於當地留學嘅妹妹到場為哥哥打氣，相中可見妹妹有點baby fat，似媽媽多啲，而宋仲基同爸爸有八成似！

其實，宋仲基十分痛錫妹妹，曾於節目中表示：「妹妹一個人於外國生活，一定非常寂寞。」當時仲講到眼紅紅，可見兩兄妹感情好好。但係，有網民笑言宋仲基兩兄妹根本唔似樣，認為宋仲基盡得爸爸良好遺傳基因，相反哥哥同妹妹似媽媽，外形一般。

如欲率先接收資訊，請讚好我們的FB專頁並於「已讚好」選單設定「搶先看」，多謝支持。
網址：www.facebook.com/orientalsundayhk