小倉優香

小倉優香19歲晒處女G奶 盤點十大青春巨乳水着女星

最新娛聞

廣告

去年剛高中畢業、19歲卜卜脆嘅小倉優香,以35G逼爆上圍加上167cm八頭身長腿成功攻入水着界,下月22日更會推出首本個人寫真集《Gradation》,早前佢就專程飛到夏威夷取景,在陽光與海灘中大晒其G cup身材。此咗小倉優香外,小編仲盤點咗多位日本巨乳水着女星,包括天木純、久松郁實、和智南等,全部都擁有E cup以上巨乳,絕對一手不能掌握!

撰文:東方新地|圖片:網上圖片

小倉優香真人版峰不二子

年僅19歲嘅小倉優香以G奶、細腰加長腿嘅驕人身材被封為「真人版峰不二子」,佢自去年4月高中畢業正式加入水着寫真後便極速走紅,經常登上雜誌封面,不過要keep住好身材都唔容易,佢最近就喺網上自爆減肥餐單,引來不少網友為佢加油。

小倉優香除G奶外仲有167cm八頭身身高,長腿白滑誘人。

小倉優香首本處女寫真集專程飛到夏威夷取景。

除咗拍寫真外,小倉優香仲計劃打入公仔箱,先後客串過《只是先出生的我》和《刑警弓神》等日劇。

天木純 I cup巨級

22歲天木純(Jun Amaki)以青春童顏加上37I巨乳闖出名堂,原來佢曾經做過偶像組合「假面女子」成員,三年前畢業離隊,開始加入水着寫真界,推出過兩本個人寫真集《二次元女友》和《Jun_limited》。

被封為「二次元最強Body」嘅天木純,早前推出嘅最新寫真《Jun_limited》中,特別加強鍛鍊巨躉,力谷葫蘆身形。

久松郁實 健美Body

同樣22歲的久松郁實擁有33F上圍,由於熱愛運動,久松郁實身材結實健美,F cup巨乳keep住冇走樣。

久松郁實自2013年當選日本三愛水着模特兒,曾拍過日劇《GTO》及《對不起青春!》,近日仲首次擔正做女主角,演出由野島伸司編劇嘅《想接吻的睫毛》。

佐野雛子 新版彌海砂

23歲佐野雛子憑住33F上圍同甜美笑容走紅水着界,近年更因在新版《死亡筆記》飾演女主角彌海砂為人熟悉。

早前佐野雛子被爆同內地萬達集團王健林獨子王思聰現身上海遊戲中心夾公仔,令不少粉絲傷透心。

大原優乃 童星轉型

年僅18歲、曾唱過人氣動畫《妖怪手錶》主題曲嘅前Dream5成員大原優乃近日密密進軍水着界,擁有F cup嘅佢上月推出首本寫真集,即登上Amazon預售榜冠軍,開始發行後又決定加印1萬本,被睇好為2018年水着界新女神。

大原優乃09年已開始加入電視節目《天才電視少年MAX》嘅專屬表演團體「Dream5」,專唱兒歌,參加過《NHK紅白歌唱大賽》及《日本唱片大賞》等大型活動,直到2016年尾「Dream5」解散,先轉型加入水着界。

和智南 最強新人

擁有38H巨乳嘅23歲和智南在去年5月正式在水着界出道,未夠一年就推出過兩本個人DVD寫真集,原來佢喺高中三年級先首次穿着比堅尼,好友驚覺佢有一副好身材,慫恿佢參加《Premium水着Girls》選拔賽,結果奪得冠軍,其後仲打入《環球小姐長崎大會》決賽。

和智南身高5呎5吋,本身愛游泳嘅佢擁有小麥色肌膚,身形健美高䠷,去年出道即被寫真界封為「神美乳」同「超乎規格之超新星」。

篠崎愛 唱得又睇得

26歲篠崎愛既係歌手又係水着女星,擁有G cup巨乳嘅佢曾推出過多本水着寫真集和DVD,去年更相隔三年再推寫真集《結晶》,仲喺日台韓三地發行,大冧fans。

熊田曜子 巨乳辣媽

除咗一眾青春女星外,熟透了嘅巨乳水着女星當然都唔可以錯過,其中35歲熊田曜子已是兩女之母,目前仲陀住第三胎,身材仍keep得勁fit,其36G上圍被譽為「史上最強美乳」。

杉原杏璃 告別寫真界

35歲杉原杏璃擁有35G、22、32魔鬼身材,被封為「G 奶乳帝」,去年推出號稱告別作嘅《Last Kiss》寫真DVD ,但相信之後仍會有性感演出。

原幹惠 忽然閃退

30歲G奶水着女星原幹惠曾主演過真人日劇《Cutie Honey The Live》及話題深夜劇《孃王 Virgin》,被封為寫真界長青樹,但早前忽然宣布暫停演藝工作,到海外留學,回歸遙遙無期。

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!

關鍵詞
巨乳