小嶋陽菜性感谷潮舖
廣告
日本女團AKB48前成員小嶋陽菜去年4月離隊單飛發展後，一直專注於時裝及模特兒工作，最近為自家潮舖擔任生招牌，回歸性感瞓身宣傳！
撰文：東方新地
圖片：Instagram
小嶋陽菜捲土重來
曾經係宅男心目中性感女神嘅小嶋陽菜，自離隊後主力發展時裝及模特兒工作，一向以索爆「棉花糖Body」見稱嘅佢，之前開設期間限定Pop-up Store，主sell自家品牌潮物，大受歡迎，今年再接再厲，於本月底及3月分別喺東京及大阪再開Pop-up Store，小嶋陽菜今次仲賣大包益街坊，喺IG公開性感照谷行宣傳。
大解放
前年曾於綜藝節目著比堅尼示人而被彈水桶腰身材，小嶋陽菜今年狀態回勇，繼之前為時裝品牌嘅內衣系列擔任代言人著bra bra宣傳後，今次著上吊帶白裙仔襯黑絲襪趷籮晒腿，豐滿身材令人眼前一亮，更獲不少粉絲大讚性感㖭！
延伸閱讀：
簡淑兒愈大愈靚 六年進化史重溫
將來還有什麼演唱會值得留意？
有不少歌手宣布舉辦演唱會，小編為你整合了2023香港演唱會+搶飛攻略一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！
關鍵詞
性感
