帶三子長駐香港 暴瘦梁洛施高調回歸
據知情人士透露，爺爺恨見孫仔、Isabella去年帶埋長治、長亨、長軒低調回流。既然下定決心長駐香港，重燃Isabella對幕前演出的夢想，今次對外態度亦都180度大變，由經理人Kim高調宣布復出、再開埋IG、微博帳戶日日更新，相信好快可以見到Isabella回歸幕前工作。
撰文：東方新地｜圖片：新傳媒圖片庫、梁洛施IG
梁洛施 勤社交默認變中女
相戀六年、生下三個李氏男孫、分手後宣布與李澤楷共同撫養兒子，身為李家三個男孫親生母親，當然毋須再為口奔馳。據悉雖然回流駐港親自湊住三個小朋友，但Isabella一直對幕前演出興趣不減，亦想一圓未完成的演藝夢。
於我而言，家庭重要，事業同樣重要，得到家人的支持，令一向喜歡演藝事業的我能重投工作，做一個有自信兼且獨立的女人！ #WomensPower💪🏽 #努力工作 #兒子的榜樣 #為愛我的人努力 #獨立自信 #GirlsPower🙌🏽
梁洛施（@isabella.leong）分享的貼文 於 張貼
回流香港，Isabella立即活躍起來，今年6月23日、30歲生日當天，Isabella就以同一張生日大合照分別開通IG和微博帳戶，寓意踏入三字頭一切都係新開始。相中更見到三個被遮面男童，疑似長治坐正中、身穿同款恤衫的孖仔長亨、長軒坐兩邊，與梁家上下齊齊慶祝媽媽三十歲生日。原來Isabella 與胞姐同日生日、飯枱上因此擺放兩個生日蛋糕、更爆出Isabella被家人暱稱為「豬西妹妹」。
話就話三字頭，Isabella實情身材瘦削、笑容純真開朗，少女味同當年14歲出道時拍得住。有三個寶貝仔陪住回流熟悉舊地、有得見盡朋友密密聚會、工作亦有個新開始，睇得出Isabella雖然暴瘦到竹竿一樣，不過生活豐盛心情好到一個點！近日經常運動操弗，相信好快有番肉地，以最佳狀態回歸幕前見大家。
AngelaBaby經理人Kim表示以個人方式與梁洛施展開合作關係，又話未來會安排Isabella排戲回歸影圈。
上月生日當天開通個人IG及微博帳號後，Isabella勤力更新慰fans，雖然笑容開朗、興奮把花生醬厚多放在口邊，但身形瘦削手臂瘦到似竹竿。
當年產後秘密回港都係為睇一場Sammi個唱，上周開po，Isabella又約Sammi開飯話「兩個大美女來了」，不過Sammi回應就好謙：「你肯定是，我肯定不是！」
早！兩位大美女來了~哈哈😝🤪💃🏻💃🏻🍷🍷
梁洛施（@isabella.leong）分享的貼文 於 張貼
三子上鏡
開通個人社交網絡見面禮就係與家人慶祝30歲生日相，相中可見三個男童伴在媽媽身邊陪切蛋糕，雖然被卡通公仔遮面，明顯係長治同孖仔。
早晨🌞 我有新IG啦！😬 今日係我同我家姐嘅大日子我要同佢食食食同飲飲飲!👩❤️👩👭💃🏻🥂🎂🙌🏾
梁洛施（@isabella.leong）分享的貼文 於 張貼
唔止媽媽勤曝光，近日Isabella出po更頻頻見到三子出鏡，上周三(11日)，就帶埋長治返老家澳門行山。
除咗開工就係跑步行山，不過同大仔長治行完山，Isabella即就地歎番個千層蛋糕。
經常喪食pizza、朱古力cupcake的Isabella，上月30日又貼相賀孖仔八歲生日，更搞鬼稱孖仔為「Thing 1」同「Thing 2」。
其實係孖仔生日lol😬😬 但係我實在太興奮啦！🤟🏾🙌🏾🙌🏾
梁洛施（@isabella.leong）分享的貼文 於 張貼
除咗盧覓雪同Sammi，Isabella亦與三位閨密飲飲食食，更留言「girl’s night without their men」暗示四位都有另一半。
Girls night without their man!! I love my BFF!!❤️❤️❤️❤️ xoxoxoxoxoxooxoxoxo
梁洛施（@isabella.leong）分享的貼文 於 張貼
Happy Friday! 四朵金花💃🏻💃🏻🌹🌹大家互相支持🤟🏾🤟🏾😘😘
梁洛施（@isabella.leong）分享的貼文 於 張貼
小小超派定心丸
Isabella身邊去年才出現四眼中佬，而小小超則與年紀相差26年港姐季軍郭嘉文行埋兩年，近日身邊又疑似出現新歡，不過小小超就向傳媒回應「Karmen and I are doing just fine」，否認變心。
將來還有什麼演唱會值得留意？
有不少歌手宣布舉辦演唱會，小編為你整合了2023香港演唱會+搶飛攻略一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！
