張學友台北個唱尾場 邱淑貞偉仔嘉玲周杰倫現身撐
廣告
歌神張學友4月29日晚喺台北小巨蛋舉行最後一場演唱會，好友梁家輝、劉嘉玲、梁朝偉、曾志偉、邱淑貞、梁家輝、上山詩鈉及杜德偉等都化身小fans，專程飛到台灣為學友捧場，陣容超豪華，連有份捧場嘅周杰倫都好羨慕咁話：「希望我以後也有這樣的朋友」！
撰文：東方新地｜圖片：網上圖片
張學友 同偉仔熱情抱抱
張學友喺台北舉行嘅《A Classic Tour》世界巡演演唱會尾場引來眾多好友捧場，而學友完騷後亦好識做，專程跑到包廂同大家合照吹水，仲向梁朝偉送上親密嘅抱抱！
當然唔少得學友同偉仔、嘉玲嘅合照啦！
喺演唱會上偉仔同嘉玲聽歌都聽得好投入，一路笑住一路輕輕揮動螢光棒。
梁家輝同杜德偉都聽得勁high，梁家輝仲high到舉起晒兩隻手㖭！
帶老婆昆凌一同到場嘅周杰倫感性留言：「學友哥的一幫老朋友從香港特別過來支持，這種感覺真棒，希望我以後也有這樣的朋友，今天到了『祝福』這首歌的時候，我終於懂了平常歌迷的感覺，原來聽到老歌的感覺，真好，謝謝學友哥，給我們一場這麼棒的演唱會。」
曾被嘉玲讚似後生版偉仔嘅吳肇軒，亦有同偉仔、梁家輝合照。
