張家輝

張家輝普通話 媲美古天樂「輪胎能」

最新娛聞

廣告

大家都知唔少香港藝人都回番內地搵銀,賺吓人仔,北望神州當然無問題,但唔好以為呢件事容易呀,皆因第一件事就係要講普通話!近日影帝張家輝為內地網絡遊戲做代言人,點知拍廣告時出事了,家輝喺廣告入面介紹自己時,竟然講咗自己個名做…

撰文:東方新地|圖片: Youtube

古天樂「輪胎能」紅極一時

「煲冬瓜」雖然唔難學,但要真正講得純正就好有難度,特別對母語係廣東話嘅香港人來說真係唔簡單,就好似古天樂上次喺廣告入面盡哂力,都講得太有廣東腔,搞到「輪胎能」成為一時佳話……

張家輝重蹈古天樂覆轍

最近,張家輝為內地網絡遊戲拍攝廣告,誰不知廣告一出街就大件事了,張家輝喺廣告入面以廣東腔普通話介紹自己:「大家好,我是渣渣輝…」小編就聽過星戰入面有個角色叫「jar jar binks」(繹音:渣渣兵) 而家睇怕會多個「渣渣輝」,今次張家輝簡直接向古天樂嘅「輪胎能」挑機呀!

張家輝老尷樣出現

由於張家輝今次呢個「渣渣輝」實在太爆,早前佢出席香港影視博覽展時,有傳媒提起「渣渣輝」,結果企喺身旁的林嘉欣同劉青雲聽完都不約而同笑到企唔穩!張家輝表情略顯尷尬,並表示因普通話唔係母語,自己已經很努力,希望大家體諒。啱嘅,努力過,盡咗力,唔得都無辦法。

知大家心急咗好耐想睇「渣渣輝」的出現,唔講咁多,而家即刻去片,片中仲有其他藝人~

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!