張寶兒

張寶兒發文論愛情緣份 反擊外界歪曲早前分手論

最新娛聞

廣告

早前,藝人張寶兒(Bowie)上無綫節目《後生仔傾吓偈》的時候,竟然少有地大談自己的感情事!佢仲喺節目中提及因自己入行後工作量愈來愈多,相處的時間愈來愈少,隨之與舊愛日漸產生距離,最終落得分手收場。近日,張寶兒就喺個人網站發長文抒發愛情心聲,相信又會引來一眾網民討論。

撰文:東方新地|圖片:tvb截圖、新傳媒圖片庫、facebook

張寶兒大談與前度分手原因

無綫節目《後生仔傾吓偈》最鍾意就係搵啲時下年輕人討論一下唔同話題,而張寶兒早前亦喺節目入面自爆自己之前分手嘅原因,係因為自己入咗行之後太多嘢做,同男友感情變得無感覺,而最後結果只有分手,而呢番言論就引起了一眾網友聯想到佢以前的舊愛Jonathan。

張寶兒發文講心聲

而近日張寶兒就喺個人社交網發長文抒發心聲,文中表示當時與舊愛曾經用心經營關係,可惜無奈熱情冷卻,在雙方經過理性嘅討論下,最後決定選擇分開,而家雙方都各自向未來繼續前進。文中見張寶兒更大談緣分理論,睇嚟佢嘅過去令佢而家有好深刻嘅體會咁喎。

張寶兒現任男友袁偉豪

同大家講番,而家36歲嘅袁偉豪係張寶兒現任男友,二人情定於非洲坦桑尼亞,拍外景日對夜對早已互有好感,對住性格爽朗平易近人、又懂得欣賞自己的張寶兒,袁偉豪立即把舊愛拋諸腦後!

當時袁偉豪與岑杏賢分手半年就遇到張寶兒,喺非洲日對夜對,據知男方自覺同張寶兒好啱channel,大家對愛情嘅睇法好一致,嗰時佢只係知張寶兒喺外國讀完書返嚟,完全唔知佢係富家女。

張寶兒手握門匙上樓

事實上袁偉豪和張寶兒各有各忙,拍拖時間少之又少,之前袁偉豪不在港,本刊曾影到張寶兒駕駛其四驅車前往男友位於清水灣半島的寓所,上樓後逗留唔夠半個鐘就返回自己位於將軍澳的寓所。其後張寶兒透過電話回應,表示因男友不在港,佢至會上門為對方收信、執屋與撻車等。呢個女友真抵諗!

女家接受戀情

熱戀初期當然想日見夜見,戀情由地下情到浮面,袁偉豪與張寶兒都抱住順其自然的心態,當初被踢爆戀情後男方竟一口承認,反而女方只保守回答「仍在了解中!」到現在連男友家鎖匙都穩握手中,張寶兒可以正式被封「新豪嫂」,二人感情相信已如坐火箭發展迅速。

張寶兒:佢亦令我好放心

袁偉豪與張寶兒雖然打得火熱,但二人未有同居想法。本刊記者問張寶兒同袁偉豪拍咗拖5個月,係一個點樣嘅男友?她說:「佢好錫我,好細心有責任心,我好信佢,佢亦令我好放心。我哋都做呢行,信任好重要。」

張寶兒拍拖收得密

自小與家人感情要好的張寶兒,與袁偉豪拍拖收得好密,就連最親的妹妹張寶欣及父母都不知情。被揭戀情後,參選上屆港姐奪友誼小姐的張寶欣被傳媒追問,自爆睇新聞才知道家姐與袁偉豪撻著,並期待家姐帶袁偉豪回家見家長。

 

全力呵護 望開花結果

難得再拍拖未受公司阻撓,袁偉豪全力以赴保護這段剛萌芽的感情,更直言喜歡女友是個好甜和好好心地的女仔。

36歲的袁偉豪近年已坐穩一線,劇接劇又拍旅遊節目人氣高企,其形象亦由以前的花弗男變成暖男,今次遇上細11年的張寶兒,對方清純有活力,心動都好正常,若然繼續甜蜜發展下去,開花結果亦唔奇。

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!