張敬軒

開餐廳受大廚氣!張敬軒:情人節拒煮情人節套餐,因為⋯

最新娛聞

廣告

歌手張敬軒(軒仔)昨日到電台宣傳新歌《潛水》,他透露早排專程去法國跟米芝蓮二星大廚Patrick Jeffroy學藝,一來為旗下餐廳取經,二來貴為餐廳老闆嘅佢原來受法國大廚嘅氣,為咗唔想畀對方「大」佢,專程去法國學廚,自我增值⋯

撰文:東方新地 圖片:新傳媒圖片、張敬軒IG

張敬軒去法國學廚

歌手張敬軒昨日到電台宣傳新歌《潛水》,表示之前去完法國公幹,為其餐廳取經,他說:「今次去法國西部找米芝蓮二星廚師Patrick Jeffroy學師,其實是做『阿四』,放下歌手身分跟他去街市選購食材、推車仔等,我好蝦碌,選龍蝦被夾到手,所以被他話我嬌生慣養不熟廚藝。」

開餐廳受大廚氣!張敬軒:情人節拒煮情人節套餐,因為⋯

員工成日打爛碟

今年初佢喺灣仔開咗間懷舊餐廳,講到現時餐廳生意,軒仔話總算解決咗請人問題,但苦笑話:「可能啲員工做耐咗就放鬆咗,成日打爛嘢,依家平均一個月都會打爛100隻碟。(啲碟好貴?)3、4百蚊一隻。」雖然令他非常肉赤,但唔會要員工賠錢。

開餐廳受大廚氣!張敬軒:情人節拒煮情人節套餐,因為⋯

大廚拒煮情人節套餐

軒仔直言做咗半年餐廳老闆,發覺此行不易做,又話自家的法國大廚做事好有態度,「主廚好有要求,他好想餐廳摘米芝蓮星,打出名堂,我唯有忍氣吞聲,畢竟餐廳裏最惡一定是廚師。情人節前夕想做特別套餐,主廚話法國不會過這個節日,因每日都是情人節,真被他激死。我知他不識睇中文報紙才夠膽公開講。」問到可有被對方鬧?他說:「冇!會黑面咁囉,不過經過咗半年,大家都開始磨合到。」而佢為咗唔使畀自家餐廳嘅法國廚師「大」佢,所以要放低歌手身分去法國學廚。

開餐廳受大廚氣!張敬軒:情人節拒煮情人節套餐,因為⋯

對飲食從業員肅然起敬

佢又話謂開餐廳後,對香港飲食從業員肅然起敬:「現在對飲食業從業員肅然起敬,真的是厭惡性行業,知道佢哋真係好辛苦!」預計餐廳何時回本?他坦言:「如果都係呢個營業額,我哋都預計5至6年。」軒仔又話自己身為老闆會努力學習:「法國菜其實由中國菜演變而成,當年馬可孛羅傳到歐洲。今次我的餐廳會換菜單和加設下午茶,並傾好跟《小王子》合作一系列的主題餐,暫時生意不錯,預約要一個月時間左右。」

開餐廳受大廚氣!張敬軒:情人節拒煮情人節套餐,因為⋯

張敬軒七位數開懷舊餐廳

張敬軒繼個人錄音室後,今年1月再做老闆!今次進軍飲食界,一年時間籌備投資過百萬,由概念、裝修、布置、餐廳Menu到駐場歌手同樂隊都親自策劃兼自己揀,仿照60年代盛極一時的首間旋轉餐廳的「仙后餐廳」,終於正式在灣仔開幕!

軒仔直言餐廳生意不俗,需提早一個月訂位,稍後亦會與小王子合作,推出下午茶餐。
軒仔直言餐廳生意不俗,需提早一個月訂位,稍後亦會與小王子合作,推出下午茶餐。

餐廳超大,佔地近1萬呎,賣法國菜亦都賣六十年代情懷。

開餐廳受大廚氣!張敬軒:情人節拒煮情人節套餐,因為⋯

餐廳每個布置都是軒仔的心血,其中一個玻璃天花用了四千多塊玻璃拼砌而成,每一組顏色都是由軒仔設計挑選的,餐廳內亦有不少軒仔的私人古董珍藏。 開餐廳受大廚氣!張敬軒:情人節拒煮情人節套餐,因為⋯

 

經理人霍汶希、惠英紅、任達華、泳兒、吳浩康、洪卓立、湯怡、許靖韻和曾樂彤外,連老闆楊受成亦與太太陸小曼和兒子楊政龍到場支持,仲個個聽晒軒仔話,悉心打扮以懷舊look上陣撐老闆。

開餐廳受大廚氣!張敬軒:情人節拒煮情人節套餐,因為⋯

食餐飯啫,可以歎埋華麗裝修、聽埋靚聲王唱歌、參觀吓古董飾物,軒仔仲說自己如有時間就會坐鎮餐廳,有緣客串,可能唱唱老國語歌,重點就梗係食法國大廚手勢啦,唔講唔知,原來個大廚係軒仔親自飛去物色,再重金禮聘人哋全家嚟香港工作定居,咁正宗又巴閉,仲唔book位等幾時?

開餐廳受大廚氣!張敬軒:情人節拒煮情人節套餐,因為⋯

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!

關鍵詞
張敬軒