張文采前新聞主播玩你問我答 毫不留戀拒再做幕前

文：東方新地｜圖：IG@wendy_cheung_man_tsoi

前新聞主播張文采：而家連新聞都好少睇

前新聞主播、現年36歲的張文采2015年狠撇拍拖4年的偷食男友羅鈞滿，2018年嫁給比她細兩年、任職消防員的盧樂輝（Benedict），婚後的張文采於2019年離開了任職10年的無綫新聞部。張文采在社交網邀網民大玩「你問我答」，被網民問到︰「懷念以前主播生涯嗎？（尤其合作過的同事）」她就回答︰「以前返工係幾開心嘅，但而家都冇乜懷緬，而家連新聞都好少睇！」

回憶做主播蝦碌事 肚餓打鼓聲入咪

而被問到以前報新聞時的「蝦碌」事，張文采亦有問必答︰「好好好多㗎喎！倒瀉水、忍笑、忍肚痛、餓到肚咕咕聲入埋咪、一路on cast一路食麵、太眼瞓去片期間瞓著咗、壞字幕機、壞電腦、壞燈、壞camera…蝦碌不能盡錄！」

幸福人妻唔使做

離巢無綫後，張文采曾做過主持、配音、司儀和主播口才技巧訓練導師等多種工作，不過被問到新年願望時，張文采就大晒幸福話︰「我已經達成咗我嘅願望㗎喇！就係唔使做！」更話平時自己日日都瞓到自然醒，最大的興趣就係煲劇！

張文采拒拋頭露面拍Viu節目

此外張文采曾多次在社交網自認「鏡粉」（MIRROR粉絲）和「生粉」（Anson Kong粉絲），近排仲變埋女團COLLAR的粉絲，但當有網友問她有無機會去ViuTV拍節目時，她卻拒絕說：「我唔會拋頭露面太多㗎喇！」而講到有關未來的計劃，張文采就話自己有諗過移民，但無打算生小朋友。

無綫新聞部主播張文采(Wendy)，2015年前狠撇偷食男友羅鈞滿，當時她宣告「分」訊還留言︰「𠵱家我重生喇！」文采仲自嘲蠢兼浪費4年青春。不過，佢最後找到Mr. Right了！老公Benedict任職消防員，二人2018年10月擺酒結婚，當時張文采就搵咗間婚紗公司影婚照，文采喺香港影咗一輯，之後再飛去日本影咗一輯，照片相當靚，不少網友也送上祝賀畀一對準新人！