【女人30+】張栢芝剖白生第三胎的原因 哽咽談人生低潮
撰文:東方新地 圖片:新傳媒圖片、Instagram、影片截圖
張栢芝盼找到「靈魂伴侶」
早前栢芝擔任內地綜藝節目《女人30+》嘉賓,節目中她表示自己年紀小小時已經覺得要生育:「小學8歲覺得小朋友最好、最單純,自己從小到大都覺得一定要生小孩子,成個人先完整,結果現在有3個。(主持問如果孩子長大了,要離開你?)一定會失落,所以我咪繼續生,係咁生,等佢哋大又生一個,咁當然呢個肯定冇可能,不過我真係好鍾意小朋友。」
為家庭而犧牲事業,栢芝覺得並不可惜:「我唔知道可惜在那裏,如果你要得到一些東西,就要放手一些東西,我拼命地賺錢去,到女演員最高峯的話,我冇咁可愛的那3個兒子,看着他們長大比接工作更重要,10年後我乜都不用管,由我兒子來照顧我就覺得好開心。」
「要愛就愛,唔好保留」
栢芝的父母在她年幼時離婚,而她跟霆鋒的婚姻最終也離婚收場,栢芝剖白如何看離婚及單親:「其實家庭對我嚟講,唔係分開定合埋,係愛囉,可以有機會去為你愛嘅人犧牲係好大福氣,所以冇話單唔單親呢個問題,呢啲係藉口嚟,好似我爸爸媽媽離婚,我亦都係單親嘅母親,深刻記得9歲時,佢哋同我講話離婚,我好支持,因為佢哋成日嗌交,不如分開。」她又說:「我覺得自己離咗婚單身,我都好陽光好彩色,要愛就愛,唔好保留,就算傷心難過都係經歷。我自己本人,我要一個靈魂伴侶,我要一個可以分擔到、傾到偈、明白對方嘅伴侶,可以同我一齊走下去,年紀老咗,我生病可以帶我去睇醫生,所以我覺得女人好強大,唔需要依靠別人得到自己想要嘅嘢,慢慢會搵到光明嘅路,38歲嘅張栢芝非常地滿足、很幸福!不是成功的人,但是,是一個負責任的人,我對自己的家庭、身邊的朋友,已經盡了自己的努力、我的責任。」
「從來冇後悔過一個事情」
提到18歲出道至今在圈中的起伏,她說:「雖然我18歲出道到現在,其實我不用多說,大家都知道,我經歷了高高低低,很多很多東西,也不簡單的東西,但是我從來沒有後悔過一個事情,因為不是自己沒有做錯過事情,但是不能說好的事情就接受,做錯事情就後悔這樣子,事情發生了就要接受﹑負責任,然後不要回頭看,要往前。」
張栢芝哽咽:不會怨別人
一向形象堅強的栢芝在節目中,提到過去受過的傷害,更一度哽咽:「差不多22年,那麼多年都受到很多不一樣的攻擊,不怨天不怨地也不怨你,就是我甚麼都不會怨別人。」
「傷害到極點的」
說到此處,栢芝也禁不住哽咽:「傷害到極點的,那個⋯那個傷害點講呢,每一個人我覺得多堅強也會有⋯對⋯就很難去過那一關,但是我覺得38歲現在,還是一關一關的過了。」
栢芝孻仔Marcus(張禮承)去年11月出世後,至今未曝過光, 可見她非常保護兒子,不過, 今年農曆年有小女孩到她家拜年,栢芝po出自己穿住睡袍向小女孩派利是相片,就清楚可 見後面的BB床和BB凳。
家裡再添新成員,難免會顧 此失彼,但一母當關,栢芝落力湊仔未有忽略任何一個寶貝, 對大仔二仔照顧依舊緊張周到,早前Quintus學校舉行親子活動,本刊拍得栢芝落場陪同兒子參加戶外考察,湊仔親力親為, 廿四孝媽 咪絕不偏心!
當日早上約七時半,栢芝親自駕車送兒子回學校準備參加親子考察,而家中外傭亦有同行。
送咗兒子返入學 校後,栢芝就逗留在車廂等候,到八時半才匆匆入學校會合,聯同 兒子一同乘校車出發去嘉道理農場做考察。
栢芝帶埋外傭同行,並以義工家長身份帶著八位小朋友一齊入農場考察,披住彩藍毛毛外套的她,非常搶 fo !
栢芝不時停下來自拍,期間影到忘晒 形,要行在前方的兒子Quintus及一名女 同學回頭等她。
除咗自拍,做義工家長的栢芝,都有幫 一班小朋友影相,愛心爆棚的她,對住 一班同學仔表現好興奮。
第41屆《金像獎》即將於幾時舉行?
第41屆《香港電影金像獎》於2月9日在尖沙咀文化中心舉行記者會,宣布今年19個獎項的提名名單,而頒獎典禮即將於⋯⋯詳情請看
MIRROR那三位成員入圍金像獎2023?
今屆金像獎一共有19套電影入圍,而當中包括MIRROR成員主演的《阿媽有咗第二個》、《過時·過節》,以及《闔家辣》,欲知各成員有份爭奪那些獎項,按此看完整入圍名單