張瞻開IG晒床照 出賣謝安琪素顏照
廣告
謝安琪、張繼聰嘅大仔張瞻(James)都10歲，佢同時下青少年一樣鍾意上網同打機，最近仲開咗Instagram，瞻瞻最初只係同同學仔互動一下，直至一po咗張同阿媽謝安琪嘅合照，follow佢IG嘅粉絲嘅人數由雙位數激增變四位數，就連謝安琪、張繼聰都follow埋佢，瞻瞻IG晒床照話瞓唔著，老竇同阿媽九秒九留言「做嘢」，瞻瞻有父母全天候看顧住，好幸福⋯⋯
撰文：東方新地
圖片：新傳媒圖片、張瞻IG
圖片：新傳媒圖片、張瞻IG
張瞻開IG晒床照 出賣謝安琪素顏照
張瞻晒母子合照，阿Kay身穿睡衣，更加係全素顏，仲要有啲包包臉、眼腫腫，無意間出賣咗阿媽冇化妝個樣，不過阿Kay冇要求阿仔刪相，但就留言話自己嗰時坐緊月，想話畀大家知當時未係最弗狀態。
晒床照
呢個年代做父母唔易，想更加了解子女就係「融入」佢哋嘅生活！謝安琪同張繼聰工作再忙都Follow囝囝IG，好似日前張瞻瞓唔著但就玩IG同大家分享，老竇張繼聰立即留言話「小心﹗你爸爸嚟緊」，而阿媽謝安琪亦留言話「可能玩得太多電腦遊戲，我考慮減少你嘅打機時間睇吓幫唔幫到你，你覺得點？」相信張瞻見到父母留言會秒睡﹗
連日來張瞻玩IG玩得不亦樂乎，無時無刻都同佢嘅fans開心些牙，而細妹張靖喺佢IG曝光率最高嘅人，爸爸張繼聰就未有影！
碧咸大仔玩IG 畀老竇查牌
其實唔止張繼聰、謝安琪Follow瞻瞻嘅IG，即使係萬人迷追碧咸都一樣！佢17歲大仔布魯克林(Brooklyn)之前喺IG玩直播，點知半路殺出一個叫「davidbeckham」嘅粉絲留言「你應該返緊學㗎喎」，你冇睇錯！之唔係老竇碧咸囉！Brooklyn當堂皮笑肉不笑，尷尬到極，咁都未完！老竇再補加句「呢件恤衫係我㗎喎」，Brooklyn個表情𤓓到想搵窿捐⋯⋯但其實大家羨慕佢都嚟唔切啦！
