張馨月

張馨月陳年大媽look曝光 林峯新歡改名變臉?

最新娛聞

廣告

林峯最近宣布與吳千語分手,不過盛傳林峯早喺上年底已經交上內地索模、現年27歲擁34D火辣身材的張馨月,作為林峯嘅新歡當然會被大眾極速起底,點知就發現張馨月原來同以前大為不同,不但英文名唔同咗,就連臉容亦同以前唔同哂!

撰文:東方新地|圖片:微博Jpe

林峯吳千語結束五年情

林峯同吳千語拍拖五年,二人相愛一直似足糖黐豆,林峯更曾經連講七次「好愛」千語BB,可惜二人戀情最終都要畫上句號,講拜拜。

林峯與新歡張馨月感情大躍進

最近就有指林峯火速搭上內地索模張馨月,但其實二人早於上年在林峯父母安排下結識,並傳今年林峯更帶同新歡一同回鄉拜年,似乎二人感情一日千里,女方女友地位亦在林家得到肯定。

張馨月甚得林峯父母歡心

據知林峯同吳千語拍拖時,林父唔鍾意女方拜金主義,又好名牌又有公主病,所以佢兩個分手,林家反而仲開心!仲即刻安排相睇飯局。原來張馨月屋企人係林峯親戚的朋友,林父見個女仔外形條件唔錯,人品又好,就撥行大葵扇。其實兩人都係農曆年前先開始拍拖,但因為張馨月溫柔又就得人,所以拍拖無耐,林峯已經好投入,心情仲好靚㖭!

張馨月被極速起底

被爆與林峯交往中嘅張馨月,現年27歲,高173CM,現時佢在微博顯示自己英文名為Carina,並在自我介紹上寫著「平面﹑T台﹑影視廣告模特張馨月 2010全國時尚內衣模特大賽亞軍」另外,佢亦喜歡不時在微博上分享現況加埋靚相俾大家睇。

張馨月 女大十八變?

有報道指張馨月籍貫山東,與父母及一弟居住於淮坊市,曾在2011年參加湖南衛視的「星姐選舉」,可惜不入三甲而落敗。有指佢當時英文名並唔係叫Carina,而係叫Ada。而且以前個樣同依家都幾大分別,圓臉變V臉、鼻樑亦睇落高咗,「女大十八變」真係無錯呀!

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!