復仇者聯盟3

《復仇者聯盟3》英雄分級排名 邊個最好打? 邊個冇鬼用…

最新娛聞

廣告

《復仇者聯盟3》都上映一個星期,唔知大家睇咗未呢?今次電影絕對係Marvel磨劍十年大作,多位超級英雄盡數登場,對抗終極反派「魁隆」(Thanos)。英雄夠晒多,每個人受歡迎程度不一,能力亦有先天性之差別。當然漫畫同電影設定不同,但如果為《復仇者聯盟3》英雄分級排名,邊個最好打? 邊個最冇鬼用…

撰文:東方新地|圖片:《復仇者聯盟3:無限之戰》劇照、海報、截圖

《復仇者聯盟3》英雄分級排名

天神級:

雷神索爾雖然係神,不過感覺上喺復仇者聯盟中未算最強,但經過《雷神3》的覺醒,加上新武器Stormbreaker的超強威力,喺大戰中一出場就橫掃千軍,替隊友解圍,仲幾乎殺埋Thanos?另外變形俠醫喺電影系列中都係超強勁角色,唔會比雷神遜色,可惜今集…

法師級:

擁有法術能力的超級英雄,「至尊魔法師」奇異博士當然是佼佼者,擁有瞬間移動、預視未來及強大的魔法戰鬥能力,另外紅女巫及幻視都可歸類為此種英雄,為復仇者聯盟中的頂級戰力。但係,同變形俠醫一樣,今集幻視…

科技級:

運用強大科技作戰的英雄,鐵甲奇俠無出其右,其戰衣喺今次電影中比以前大大增強,隨時變刀變盾變大炮,去到神乎奇技的程度。另外蜘蛛俠今次著上鐵甲奇俠為其設計的「Iron Spider」戰衣,戰鬥力大大提高,仲有四隻蜘蛛腳!

外星英雄級:

外星英雄其實就係「銀河守護隊」一眾外星人成員啦,本身有著比地球人稍強的武器和能力,部分成員亦擁有獨特的自然力量。不過整體而言,都係缺乏神力或超高科技等,所以都係比地球的部分英雄稍強,面對Thanos時未能提供可靠戰力。

比普通人強級:

呢類英雄並無任何法力或超自然神力,但擁有比普通人強得多的身體質素及戰鬥技巧,多數以直接物理性攻擊及槍械為主。一旦面對好似Thanos呢類又好打又有神力的Boss級強敵,難免就顯得無力。不過咁,電影中美國隊長一行人面對Thanos手下Black Order,似乎可以輕鬆應付?

英雄表現排名

另外,日前有外國網民相當有心咁整咗一張圖,將一眾角色喺今次電影中的表現、貢獻分成唔同等級,包括有「literal god」、「actually helpful」甚至「piece of shit」等,已經睇咗戲的朋友,覺得呢個表合唔合理呢?

Literal God |神級!

Based af|好厲害!

Actually helpful|幫到手!

at least did something|盡咗力了…

fu_king useless|冇_用

piece of shit|直頭垃圾…

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!