復仇者聯盟3

睇《復仇者聯盟3》因薯片開火 TVB男藝人被行內人轟態度差

最新娛聞

廣告

萬眾期待的《復仇者聯盟3:無限之戰》已經喺香港上映,唔少朋友都趕住買飛入場,費事俾人劇透嘛!睇戲本來係開心事,不過日前有位幕後宣傳人員喺網上大發牢騷,表示睇特別場時遇到一位「自以為天王巨星」的TVB男藝人,眼神極唔友善、說話態度奇差,當事人即刻火都嚟埋!事後呢位男藝人亦有在FB講返件事,件事究竟係點呢?

撰文:東方新地|圖片:Facebook、新傳媒

睇《復仇者聯盟3》睇到火起

話說有位幕後的宣傳人員,睇完《復仇者聯盟3》後喺FB同大家分享,本來有得睇特別場當然好開心,但就被一位TVB男藝人破壞好心情!「一位自以為天王巨星的TVB男artist,從好多TVB前輩口中都聽過呢位上位中的小生態度非常差」,事主稱呢位男藝人未開場時已經用非常唔友善的眼神「睥」住佢朋友,到之後開場後佢食薯片,男藝人就用極差語氣同佢講:「你細聲點!」

自以為天王巨星的TVB男藝人

事主強調自己只係食薯片,絕無製造不必要的聲音,無傾偈亦無睇電話等行為,更寸爆叫呢位男藝人「自己包個戲院睇啦嘛,咁咪冇聲囉。」文章末段事主仍然氣憤難平,表示當日坐喺場內該範圍的都係行內人,「你要覺得自己有幾紅先會用咁冇禮貌嘅語氣同人講嘢?」

袁偉豪發文回應

該位宣傳人員雖然無開名,不過涉事男藝人之後主動喺FB發文講番件事,原來係袁偉豪!袁偉豪首先表示歉意,但強調冇用不友善眼神望人,而且解釋因為旁邊有人食nachos(玉米片)時包裝發出聲響,所以先輕聲喺其耳邊講句「唔好意思,可否細聲一點?」事主話食薯片,袁偉豪就話佢食玉米片… 不過唔係重點啦!

兩人版本唔同?

袁偉豪繼續講,指完場後旁邊一行人對佢連番指罵,似乎仲講晒粗口話佢「咁x巴閉」,又話一定會將件事擺上網云云。最後袁偉豪強調唔係唔俾人食嘢,不過希望觀眾可以為他人設想,食嘢時細聲一點!

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!