愛回家 張景淳 龔燁

愛回家|張景淳龔燁正式解凍 一返嚟就被鬧「契弟」句句應景!

最新娛聞

廣告

由於張景淳早前疑因「遲到」被罰消失於處境劇《愛回家之開心速遞》,於是由佢同呂慧儀飾演嘅「龔水」夫婦喺多個月嘅劇情中,一直二缺一。有指呂慧儀曾經代「老公」張景淳向公司求情,希望可以早日「解凍」張景淳,結果喺最新播出呢集入面,張景淳終於「回家」喇!

《愛回家》張景淳「龔燁」一返嚟又鋪路再入雪櫃?

喺星期一晚(9日)嘅《愛回家之開心速遞》講同若水新婚嘅龔燁去咗外國工幹遲遲都未返,原來係因為俾大小姐龍力蓮取消咗張頭等機票,搞到佢要喺歐洲再搶機票,之後飛咗足足76個鐘先返到香港,一「復出」就勁狼狽!於是龔燁返到公司即離棄大小姐,投誠細龍生,幫細龍生爭接龍繼承人嘅位置。點知細龍生冇救佢不特止,仲話要派佢去更遠嘅「獅吼共和國」傾生意,唔通入完雪櫃唞啖氣又要罰過?

張景淳 由歐洲工幹返嚟嘅龔水話用咗76個鐘先到香港,有網民話以為佢去咗烏克蘭
由歐洲工幹返嚟嘅龔水話用咗76個鐘先到香港,有網民話以為佢去咗烏克蘭(圖片來源:《愛回家之開心速遞》截圖)
張景淳
(圖片來源:《愛回家之開心速遞》截圖)
張景淳
(圖片來源:《愛回家之開心速遞》截圖)
張景淳 因為嬲大小姐,所以龔燁即投靠細龍山
因為嬲大小姐,所以龔燁即投靠細龍山(圖片來源:《愛回家之開心速遞》截圖)

《愛回家》張景淳被鬧「契弟」

為咗唔想再被調離香港,張景淳立即再次轉投大小姐陣營,唔止送大禮,仲落足嘴頭猛咁擦鞋,處於高位嘅大小姐當然要擺個姿態,看兜口兜面鬧張景淳做「契弟」,識做嘅張景淳當然要硬食啦!最終大小姐都心軟,成功爭取張景淳繼續留喺香港唔使出國公幹,執返身彩!

張景淳
(圖片來源:《愛回家之開心速遞》截圖)
大小姐兜口兜面鬧張景淳做「契弟」。
大小姐兜口兜面鬧張景淳做契弟!(圖片來源:《愛回家之開心速遞》截圖)
張景淳 不過之後龔燁都回敬返大小姐一句「八婆」,仲話自己跟得大小姐多,所以學會簡化,將「八寶鴨加麻婆豆腐」簡化為「八婆」,果然醒目。
不過之後龔燁都回敬返大小姐一句「八婆」,仲話自己跟得大小姐多,所以學會簡化,將「八寶鴨加麻婆豆腐」簡化為「八婆」,果然醒目。(圖片來源:《愛回家之開心速遞》截圖)

《愛回家》張景淳「回家」重現過去幾個月入雪櫃情況?

對於張景淳「回家」,有網民就好開心,仲讚佢可愛,問係咪只係返嚟一集,亦有人好投入咁提議龔水辭職,唔好再喺啲咁刻薄嘅公司做。早前張景淳被傳因為「遲到」而被停工數月,不少心水清嘅觀眾都笑言劇情擺明就係對應佢近幾個月嘅情況,先是「遲到」失勢被調離,有機會「回家」又要扭計,結果爭啲繼續入雪櫃,好在最後張景淳都知錯跪低兼自嘲「契弟」,馬死落地行呀!不過另一方面,有唔少觀眾就提議不如「龔水」兩公婆「移民」一齊消失,事關呂慧儀今集實在太嘈喇!

張景淳
(圖片來源:《愛回家之開心速遞》截圖)
張景淳
(圖片來源:IG@cheungstanley截圖)
張景淳
(圖片來源:LIHKG 討論區截圖)
張景淳
(圖片來源:LIHKG 討論區截圖)
張景淳
(圖片來源:LIHKG 討論區截圖)
張景淳
(圖片來源:香港高登討論區截圖)
張景淳
(圖片來源:香港高登討論區截圖)
張景淳
(圖片來源:LIHKG 討論區截圖)

愛回家》張景淳「龔燁」為何一回歸又再入雪櫃?

愛回家》新一集講述龔燁一回來又再被派去更遠的地方傾生意,不過原來是為之後的劇情作鋪排⋯⋯詳情請看

愛回家》龔水被勸辭職?

《愛回家》新一集劇情有網民好開心,亦有網民覺得公司太刻薄⋯⋯詳情請看

撰文:東方新地圖片來源:《愛回家之開心速遞》截圖,LIHKG 討論區,香港高登討論區