慘豬豬 王浩信再爆頭？

上月因拍劇集《致命復活》一場車上打鬥戲不慎撞爆頭受傷入院，王浩信之後出院留家休息幾日即復工。咦！昨日佢又上載戴氧氣罩、包實個頭瞓病床相，唔通佢又受傷？大家唔使擔心，其實佢只係拍戲啫，不過唔使化妝、一臉倦容已經好逼真！

而王浩信昨天戴頭箍及黑色口罩去醫院檢查傷勢，睇佢左額受傷位腫到乒乓波咁大，左眼仲積聚好多瘀血，睇見都肉赤！不過佢留言報平安：「我現在的情況已漸入佳境，希望瘀血快些散去！一定要快快好起來！」