黃心穎

成樂壇新勢力? 黃心穎上位唱《開心速遞》主題曲

最新娛聞

廣告

踏入2018年第二日,唔少網民都仍然因謝霆鋒現身叱咤頒獎禮,演唱幾首經典歌而如癡如醉,不過原來樂壇有另一股新勢力正在堀起,竟然係大家都好熟悉的黃心穎?黃心穎繼之前喺《群星拱照 big big channel》開金口、〈到此一遊〉MV擔大旗後,更上位唱埋《愛.回家之開心速遞》的主題曲!大家又睇唔睇好心穎BB做歌手呢?

黃心穎唱〈約定〉獲大讚

其實近年黃心穎出席活動時都會唱吓歌,雖然都係翻唱其他歌手的歌曲,不過都獲得唔少粉絲稱讚。去年11月《群星拱照 big big channel》,其中一個環節係類似《蒙面歌王》咁估係邊個唱緊歌,黃心穎就唱出王菲金曲〈約定〉,開估時大家似乎都好驚喜,大讚佢人靚聲甜!

〈到此一遊〉性感MV

去年TVB台慶劇《降魔的》大受歡迎,連帶胡鴻鈞主唱的主題曲〈到此一遊〉亦爆紅,於是TVB搵來五位小花黃心穎、蔡思貝、馮盈盈、張寶兒和邵珮詩合唱呢首歌,再拍一個性感火辣的MV,好快喺網上洗版!雖然整體質素係點見仁見智,不過肯定的是心穎BB出鏡時間最長,跳舞又一直企正中間,擺明捧佢!

紋身黃心穎倒奶

五女中黃心穎絕對係最出位一個,手臂大大個紋身非常搶眼,同佢平常可愛的形象好唔同。著上吊帶背心的心穎後面有白滑玉背,正面則大晒深長事業線,說好的「限奶令」呢?

好歌重溫~

黃心穎上位唱《開心速遞》主題曲

而每晚8時播出的處境劇《愛.回家之開心速遞》,opening本來只係一段純音樂,不過踏入2018年就多咗首主題曲〈在心中〉,不過呢把女聲就唔係成日聽到的吳若希、何雁詩等,原來係黃心穎主唱!唔知心穎BB係咪今年開始成為樂壇新勢力,遲啲係咁聽到佢唱歌呢?

大家覺得心穎BB呢首主題曲如何呢?

https://www.youtube.com/watch?v=U-FKchAvi_U

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!