王賢誌

拒讓位被笑厚粉 王賢誌獲網民力撐EQ高

最新娛聞

廣告

王賢誌(Vinci)擔任東華三院主席後經常要周圍飛,日前佢就喺Facebook出po話:「回港不夠廿四小時,又再飛了⋯⋯」原來佢要由香港飛鄭州再轉車去開封出席活動,不過喺佢搭緊飛機嘅時候,竟然有人出po指名道姓話Vinci喺機場嘅check in counter唔肯讓位畀佢,仲笑Vinci「好厚粉」!

撰文:東方新地|圖片:新傳媒圖片庫、王賢誌FB李珊珊FB

王賢誌:長知識

王賢誌自今年4月開始擔任東華三院主席,之後就為參與東華三院各項慈善活動而非常忙碌,經常要周圍飛,上周五(6日)佢就要飛到鄭州再轉車去開封,出席由東華及北京清華大學首次合辦嘅「東華三院‧清華大學甫智方舟中學生暑期扶貧計劃」,回港唔夠廿四個鐘又要飛,十足「空中飛人」!

不過今次王賢誌話佢一落機就收到朋友轉發某位小姐所出嘅po文,該位小姐留言話:「我46分鐘前才到counter,連在場負責排隊分流的職員都著急,催我快啲去check in行李,咁我見前面得一個男乘客排隊,咁我就即刻換『可憐樣』mode求佢畀我出去check in先,結果係唔㑹work的,佢直接話『我都好趕喎、我差唔多夠鐘』、『哎呀economy個條隊好似仲快啲』,點解佢唔會讓我?因為⋯⋯佢係前TVB司儀/現為東華三院的,王賢誌⋯⋯Vinci Wong⋯⋯(原來佢同阿媽一樣生日,都係天秤座,所以好厚粉)」

Vinci對於這位小姐嘅po文咁樣回應:「其實當時business class check in counter條隊只得兩個人排,我排第一,呢位小姐排第二…我自己亦確實幾趕,我飛鄭州班機係12:50起飛而我差不多12點先到機場…隔離econ class counter又完全冇人排緊,所以我提議呢位小姐過去嗰邊可能仲快啲…我承認我冇讓俾呢位小姐,如果因為咁令到佢覺得唔舒服,抱歉!厚唔厚粉?見仁見智啦…不過我真係第一次聽人講天秤座嘅人都好厚粉,又長知識嘞!#估唔到飛緊都有是非 #是非比飛機傳得仲快 #下次都係早啲出機場」

網民都一面倒力撐Vinci,紛紛留言指「讓係人情,唔讓係道理!」仲大讚Vinci好有修養、EQ高㖭!

Vinci更逐一多謝支持同安慰佢嘅網民。

起碼冇叫錯黃智賢

有網民笑指該位小姐對Vinci幾好,連佢中英文名都記得,Vinci回應:「又係,起碼冇叫錯我做黃智賢!」

李珊珊:我都好厚粉!

連李珊珊都有搞笑留言話:「我都是天秤,一定好厚粉!」

Vinci最後亦留言多謝所有支持佢嘅網民:「其實昨晚我本只想在這裡跟大家分享一下我的個人感受,沒想過會得到這麼多的支持及鼓勵,連報紙即時新聞也分別轉載報導了,著實令我意想不到⋯⋯我想事情也應該告一段落, 大家也不用再添加新的留言, 因為要說的都已説了, 也希望向被影響了的朋友們再次說聲不好意思!」

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!

關鍵詞
李珊珊