推埋牆抽水 阿佘色誘古仔：我pat pat喺度！
廣告
劇集《使徒行者》晚晚熱播，而電影版將於下月11號上映。身為兩個版本嘅唯一女主角，佘詩曼當然要搏到盡，尤其電影版有多位重量級男角，包括古天樂、張家輝同吳鎮宇，阿佘唔想淪為花瓶就要犧牲下色相喇！
其他文章：
專出童顏？細寶阿雪原來係中學師兄妹
《一屋老友記》扮廢青 細寶張彥博勁有才華
戲中飾演女臥底阿釘嘅阿佘，因為一單毒品交易案而要調查由古仔飾演嘅古惑仔「少爺」。其中一幕講佢哋晌泳池相遇，古仔當場整蠱阿佘令佢出醜！咪以為阿佘着泳衣就預備紙巾抹鼻血，其實套泳衣不知幾保守，連吳鎮宇都笑佢似中東女性！
收咁多錢片酬，阿佘梗係唔會淨係着一件頭泳衣就算啦！另一場賭場戲，講古仔知道被阿佘跟蹤，即出手玩返佢轉頭，仲推阿佘埋牆非禮，等佢知難而退。唔好以為借位呀，古仔堅係要摸落阿佘pat pat，不過見慣大場面嘅阿佘話完全唔尷尬，仲出言挑逗古仔，「我PAT PAT一直喺度，唔會走位嘅！」
全文完
