郭晶晶

啟剛錫到燶 郭晶晶激罕夫妻檔上真人騷

最新娛聞

廣告

內地真人騷長拍長有,有王祖藍、Angelababy的《跑男》即將開拍第五季,而深圳衛視嘅王牌節目《極速前進》亦嚟到第三季!上輯節目組搵到G.E.M.同楊千嬅丁子高夫婦參加,千嬅更因鬥牛比賽跌親腰骨,曾志偉父女亦多災多難,志偉玩到舊患復發要坐輪椅,曾寶儀就搞到跌落污水令子宮同骨盆腔受感染,最後更要停工休養!

其他文章︰

揭八大凍齡男星保養秘技

《前度》子華神金句

上季多港星參加,嚟到第三季,港星唔見晒,得返霍啟剛郭晶晶兩公婆算係香港人,有啲親切感。你冇睇錯,係霍啟剛呀!家族資產超過300億、貴為霍家長子嫡孫嘅霍啟剛,竟然會放低繁重業務,陪老婆郭晶晶參加真人騷。兩人要同其他參賽者走勻十個國家,上天下海乜都要玩,一向歎慣嘅大少爺,捱唔捱得住呀?

雖然勁辛苦,但霍啟剛唔似上季丁子高咁冇耐性,成日鬧爆老婆楊千嬅;反而處處細心照顧郭晶晶,一開始介紹自己係霍啟剛,聽到晶晶介紹自己係「霍啟剛老婆」後,即刻補返句「我係郭晶晶老公」,冧到甚少在鏡頭前笑嘅晶晶都忍唔住甜笑!

晶晶09年東亞運動會後小休1年,期間去英國進修英語,11年正式退役。12年11月,晶晶嫁俾霍啟剛,13年誕下囝囝霍中曦,現時專心相夫教子。成日話一入豪門深似海,睇完啟剛點樣錫晒晶晶,就知呢句說話用唔着啦!


將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!